ساڈی زندگی لئی ضروری گلاں
یہوواہ مشکلاں چ ساڈی مدد کردا اے
ایس آخری زمانے چ سانوں بوہت ساریاں مشکلاں دا سامنا کرنا پیندا اے۔ کدی کدار سانوں لگ سکدا اے کہ ایہناں مشکلاں نُوں برداشت کرنا ساڈے وَسوں باہر اے۔ پر جے اَسی یہوواہ نال اپنی دوستی نُوں مضبوط کردے رہواں گے تے اَسی مشکل توں مشکل حالاتاں نُوں وی برداشت کر سکاں گے۔ (یسعیاہ 43:2، 4) مشکلاں دا سامنا کردے ویلے اَسی یہوواہ نال اپنی دوستی کیویں مضبوط کرسکنے آں؟
دُعا کرو۔ جدوں اَسی دُعا چ یہوواہ دے اَگے اپنا دل کھول کے رکھ دینے آں تے اوہ سانوں اِطمینان دیندا اے تے سانوں اپنی مشکل نُوں برداشت کرن دی طاقت دیندا اے۔—فِلپّیوں 4:6، 7؛ 1-تھسلُنیکیوں 5:17۔
عبادتاں تے جاؤ۔ اَج سانوں پہلے توں وی کِتے زیادہ روحانی کھانے تے حوصلہافزائی دی لوڑ اے جیہڑی یہوواہ سانوں عبادتاں دے ذریعے دیندا اے۔ (عبرانیوں 10:24، 25) جدوں اَسی عبادتاں دی تیاری کرنے آں، ایہناں تے جانے آں تے ایہناں چ حصہ لینے آں تے اَسی یہوواہ دی پاکروح دی مدد توں پورا فائدہ چُک رہے ہنے آں۔—مکاشفہ 2:29۔
مُنادی چ حصہ لوَو۔ جدوں اَسی مُنادی دے کم چ ودھچڑھ کے حصہ لوَاں گے تے ساڈا دھیان اوہناں گلاں تے نئیں رہوے گا جیہڑیاں سانوں پریشان کردیاں نیں۔ نالے اِنج ساڈی یہوواہ نال تے اوہناں بھین بھراواں نال دوستی وی مضبوط ہووے گی جنہاں نال مِل کے اَسی مُنادی کرنے آں۔—1-کُرنتھیوں 3:5-10۔
ویڈیو ”یہوواہ توانوں کدی نئیں چھڈے گا“ نُوں ویکھو تے فیر ایہناں سوالاں دے جواب دَوو:
-
کیہڑی چیز نے بھین مالو مک دی مدد کیتی کہ اوہ اپنیاں مشکلاں چ وی یہوواہ دے نیڑے رہ سکے؟
-
بھین مالو مک وانگوں سانوں وی مشکلاں چ زبور 34:18 توں تسلی کیویں مِل سکدی اے؟
-
بھین مالو مک دے تجربے توں ایہہ کیویں ظاہر ہوندا اے کہ مشکلاں چ یہوواہ سانوں اوہ طاقت دیندا اے جیہڑی انسانی طاقت توں ودھ کے اے؟—2-کُرنتھیوں 4:7۔
