ساڈی زندگی لئی ضروری گلاں
خدا دی سوچ نُوں جانن دی کوشش کرو
اَسی چاہنے آں کہ یہوواہ ساڈے کماں توں خوش ہووے۔ (امثال 27:11) اِنج کرن لئی ضروری اے کہ اَسی کسے معاملے بارے یہوواہ دی سوچ دے مطابق فیصلہ کریئے، فیر بھانویں اوس معاملے بارے بائبل چ صاف صاف کوئی حکم نہ وی دِتا گیا ہوئے۔ ایہو جہے فیصلے کرن چ کیہڑی چیز ساڈی مدد کرے گی؟
ہر روز بائبل پڑھو۔ جدوں وی اَسی بائبل پڑھ رہے ہنے آں تے اَسی یہوواہ نال وقت گزار رہے ہنے آں۔ اوہدی سوچ نُوں جانن لئی اَسی ایس گل تے غور کرسکنے آں کہ اوہ اپنے لوکاں نال کیویں پیش آیا۔ نالے اَسی اوہناں لوکاں دی مثال تے وی غور کر سکنے آں جنہاں دے کم اوہدی نظر چ چنگے سن یاں فیر بھیڑے۔ جدوں سانوں کوئی فیصلہ کرنا پیندا اے تے پاکروح سانوں اوہ گلاں تے اصول یاد دَواندی اے جیہڑے اَسی اوہدے کلام چوں سکھے ہوندے نیں۔—یوحنا 14:26۔
تحقیق کرو۔ جدوں توانوں کسے معاملے بارے کوئی فیصلہ کرنا ہوندا اے تے اپنے آپ کولوں پچھو کہ ”بائبل دِیاں کیہڑیاں ایتاں یاں واقعیاں توں پتہ چلدا اے کہ ایس معاملے بارے یہوواہ دی سوچ کیہہ اے؟“ یہوواہ کولوں مدد لئی دُعا کرو تے تنظیم وَلّوں تواڈی زبان چ جیہڑیاں سہولتاں موجود نیں، اوہناں دے ذریعے تحقیق کر کے بائبل چ اوہناں اصولاں نُوں لبھو جیہڑے فیصلہ کرن چ تواڈے کم آ سکدے نیں تے فیر اوہناں اصولاں تے عمل کرو۔—زبور 25:4۔
ویڈیو ”ثابتقدمی نال دوڑدے رہوو—غذائیت نال بھری خوراک کھاؤ“ نُوں ویکھو تے فیر ایہناں سوالاں دے جواب دَوو:
-
ویڈیو چ جیہڑی نوجوان بھین وکھائی گئی اے، اوہنوں کیہڑے دباؤ دا سامنا سی؟
-
تُسی وی اِنج دے دباؤ دا سامنا کرن لئی تنظیم ولوں مِلن والیاں سہولتاں نُوں تحقیق کرن لئی کیویں استمال کر سکدے او؟
-
جدوں اَسی ذاتی مطالعیا تے تحقیق کرنے آں تے سانوں چنگے فیصلے کرن چ مدد کیویں مِلدی اے؟—عبرانیوں 5:13، 14۔
