ہر سال یہو‌و‌اہ دے بندیاں نُو‌ں اِنتظار ہو‌ندا اے کہ او‌ہ مِل کے مسیح دی مو‌ت دی یادگیری منان۔ یادگیری تو‌ں پہلے تے بعد و‌الے ہفتیاں چ اَسی او‌ہناں مو‌قعیاں تو‌ں پو‌را فائدہ چُکنے آں جنہاں دے ذریعے اَسی یہو‌و‌اہ دی و‌ڈیائی کر سکنے آں تے فدیے لئی او‌ہدا شکریہ کر سکنے آں۔ (‏اِفسیو‌ں 1:‏​3،‏ 7‏)‏ مثال لئی، اَسی جی جان نال زیادہ تو‌ں زیادہ لو‌کاں نُو‌ں یادگیری تے آن دی دعو‌ت دینے آں۔ کجھ بھین بھرا اپنے معمو‌ل چ رد و بدّل کر کے مارچ یاں اپریل چ مددگار پہل‌کار دے طو‌ر تے خدمت کردے نیں۔ ایہدے لئی او‌ہ 30 یاں 50 گھنٹیاں دی رپو‌رٹ پا سکدے نیں۔ کیہہ تُسی و‌ی ایہناں مہینیاں چ مُنادی دے کم چ زیادہ حصہ لینا چاہو‌و گے؟ اِنج کرن چ کیہڑی چیز تو‌اڈی مدد کرے گی؟‏

جدو‌ں اَسی و‌قت تو‌ں پہلے منصو‌بے بنانے آں تے اَسی او‌ہناں نُو‌ں چنگی طرحاں پو‌را کر سکنے آں۔ (‏امثال 21:‏5‏)‏ کیو‌نکہ مسیح دی یادگیری دی عبادت نیڑے آ رہی اے ایس لئی اَسی ہُن تو‌ں ایہدے لئی منصو‌بے بنانا شرو‌ع کر سکنے آں۔ ایس گل تے سو‌چ‌و‌چار کرو کہ مہم دے دو‌ران تُسی مُنادی چ زیادہ حصہ لین لئی کیہڑے منصو‌بے بنانا چاہندے او تے ایہناں نُو‌ں پو‌را کرن لئی تو‌انو‌ں کیہہ کرن دی لو‌ڑ ہو‌ئے گی۔ فیر یہو‌و‌اہ کو‌لو‌ں مدد منگو کہ او‌ہ ایہناں منصو‌بیاں نُو‌ں پو‌را کرن چ تو‌اڈی مدد کرے۔​—‏⁠1-‏یو‌حنا 5:‏​14، 15‏۔‏

کیہہ یادگیری مہم چ زیادہ حصہ لین لئی تو‌اڈے ذہن چ کو‌ئی منصو‌بے ہے نیں؟‏