شاگرد بناؤن لئی تربیت | مُنادی دے کم چ اپنی خوشی نُوں ودھاؤ
دل تک پونچو
یہوواہ چاہندا اے کہ اَسی دلوں اوہدی فرمانبرداری کرئیے۔ (امثال 3:1) ایس لئی لوکاں نُوں تلیم دیندے ویلے سانوں اوہناں دے دل تک پونچن دی کوشش کرنی چاہی دی اے۔ پر اَسی اِنج کیویں کر سکنے آں؟
جدوں تُسی کسے نُوں بائبل کورس کراندے او تے اوہنوں بس بائبل دِیاں سچائیاں سکھانا ای کافی نئیں ہوندا۔ اوہنوں ایہہ سکھانا وی ضروری ہوندا اے کہ ایہناں سچائیاں دا اوہدی اپنی زندگی اُتے کیہہ اثر پوے گا تے یہوواہ نال اوہدے رشتے اُتے کیہہ اثر پوے گا۔ اوہدی ایہہ سمجھن چ وی مدد کرو کہ بائبل دے اصولاں توں یہوواہ خدا دی محبت،بھلائی تے نیکی ظاہر ہوندی اے۔ سمجھداری تے پیار نال اوہنوں کجھ ایہو جہے سوال پچھو تاکہ اوہ سمجھ سکے کہ بائبل چوں اوہ جو کجھ سکھ رہیا اے اوہدے بارے کیہہ محسوس کردا اے۔ اوہنوں دَسو کہ کسے بھیڑی عادت نُوں چھڈن نال اوہنوں کیہہ فائدہ ہوئے گا۔ جدوں تُسی ویکھو گے کہ بائبل کورس کرن والا بندہ دلوں یہوواہ نُوں پیار کردا اے تے تواڈی خوشی وی ودھے گی۔
ویڈیو”شاگرد بناندے ویلے خوشی حاصل کرو—اپنیاں مہارتاں نُوں نکھارو—دل تک پونچو“ ویکھو تے فیر ایہناں سوالاں دے جواب دَوو:
-
نیتا نے جینی نُوں ایہہ کیوں پچھیا کہ”جیہڑی گل اَسی پچھلی واری کیتی سی کیہہ توں اوہدے بارے سوچیا اے؟“
-
نیتا نے جینی دی ایہہ گل سمجھن چ مدد کیویں کیتی کہ بائبل دے اصولاں توں یہوواہ دا پیار ظاہر ہوندا اے؟
-
جے اَسی بائبل کورس کرن والے دے دل تک پونچن دی کوشش کراں گے تے اوہدے چ وی یہوواہ دے نیڑے جان دی خواہش پیدا ہوئے گی۔
نیتا نے جینی نُوں ایہہ کیویں سمجھایا کہ اوہ یہوواہ لئی اپنا پیار کیویں ظاہر کر سکدی اے؟
