شاگرد بناؤن لئی تربیت | مُنادی دے کم چ اپنی خوشی نُوں ودھاؤ
ہمدردی وکھاؤ
ہمدردی دا مطلب ایہہ وے کہ دُوجیاں دی سوچ، ضرورتاں تے جذباتاں نُوں سمجھنا۔ ایہہ خوبی ساڈے کماں توں ظاہر ہوندی اے۔ ایہدی وجہ توں اَسی دلوں دُوجیاں دی مدد کرنے آں۔ جدوں اَسی مُنادی چ دُوجیاں لئی ہمدردی وکھانے آں تے اَسی اصل چ یہوواہ ورگی محبت تے فکر ظاہر کرنے آں جدی وجہ توں لوکاں چ یہوواہ بارے ہور سکھن دا شوق پیدا ہوندا اے۔—فِلپّیوں 2:4۔
دُوجیاں نُوں تلیم دیندے ویلے بس اُتوں اُتوں ہمدردی ظاہر نہ کرو سگوں اپنیاں گلاں، اشاریاں تے چہرے توں ظاہر کرو کہ توانوں اوہناں نال دلوں ہمدردی اے۔ اَسی کسے چ سچی دلچسپی لین نال اوہدے لئی ہمدردی وکھا سکنے آں۔ اَسی اوہدے حالات تے عقیدیاں دا لحاظ رکھاں گے۔ اَسی اوہنوں ودھیا تلیم تے مدد دَواں گے پر اوہنوں بدلن تے مجبور نئیں کراں گے۔ جدوں لوک ساڈے پیغام تے مدد نُوں قبول کردے نیں تے سانوں بڑی خوشی ہوندی اے۔
ویڈیو ”شاگرد بناندے ویلے خوشی حاصل کرو—اپنیاں مہارتاں نُوں نکھارو—ہمدردی وکھاؤ“ ویکھو تے فیر ایہناں سوالاں دے جواب دَوو:
-
جدوں جینی دیر نال آئی تے نیتا نے ہمدردی کیویں وکھائی؟
-
جدوں جینی نے کہیا کہ اوہدے لئی بائبل کورس کرنا مشکل ہو رہیا اے تے نیتا نے ہمدردی کیویں وکھائی؟
-
جدوں اَسی لوکاں لئی ہمدردی وکھانے آں تے اوہ یہوواہ وَل کِھچے چلے آندے نیں۔
جدوں جینی نے کہیا کہ اوہدے گھر چ بوہت کھلارا پیا ہویا اے تے نیتا نے ہمدردی کیویں وکھائی؟
