ساڈی زندگی لئی ضروری گلاں
وڈیری عورتاں نُوں ماواں سمجھو تے جوان عورتاں نُوں بھیناں سمجھو
بائبل دَسدی اے کہ سانوں وڈیرے مسیحیاں نُوں اپنے ماپیاں وانگوں تے جوان مسیحیاں نُوں اپنے بھین بھراواں وانگوں سمجھنا چاہی دا اے۔ (1۔تیمُتھیُس 5:1، 2 نُوں پڑھو۔) بھراواں نُوں خاص طور تے بھیناں نال عزت تے احترام نال پیش آنا چاہی دا اے۔
بھراواں نُوں بھیناں نال نہ تے دللگی کرنی چاہی دی اے تے نہ کوئی ایہو جیہا کم کرنا چاہی دا اے جدی وجہ توں اوہناں نُوں بُرا محسوس ہوئے۔ (ایوب 31:1) جدوں اِک کنوارے بھرا دا ویاہ کرن دا کوئی ارادہ نہ ہوئے تے اوہنوں کسے بھین نال اِنج پیش نئیں آنا چاہی دا جدے توں بھین نُوں لگے کہ اوہ اوہدے نال ویاہ کرنا چاہندا اے۔
بزرگاں نُوں اوہدوں بھیناں دی گل پوری توجہ نال سننی چاہی دی اے جدوں اوہ کوئی سوال پچھدیاں نیں یاں فیر کسے معاملے تے دھیان دَواندیاں نیں۔ بزرگاں نُوں بیوہ بھیناں دا خاص طور تے خیال رکھنا چاہی دا اے۔—رُوت 2:8، 9۔
ویڈیو ”کلیسیا چ کدی ختم نہ ہون والی محبت وکھاؤ—یتیم تے بیوہ عورتاں نال“ تے فیر ایہناں سوالاں دے جواب دَوو:
-
کلیسیا دے بھین بھراواں نے کیویں بھین مائنٹ لئی کدی نہ ختم ہون والی محبت وکھائی؟
-
جیہڑی محبت بھین بھراواں نے وکھائی اوہدا اوس پِنڈ دے لوکاں تے کیہہ اثر ہویا؟
-
بھین بھراواں دی ایس محبت دا بھین مائنٹ دی دِھیاں تے کیہہ اثر ہویا؟
تُسی کیہڑے طریقیاں نال کلیسیا چ بھیناں لئی پیار تے فکر وکھا سکدے او؟
