ساڈی زندگی لئی ضروری گلاں
گل بات لئی مشوریاں نُوں کیویں استمال کرئیے؟
گل بات لئی مشوریاں نُوں تیار کرن چ بڑی محنت لگدی اے تے ایہناں تے عمل کرن نال مبشراں نُوں بڑا فائدہ ہویا اے۔ پر ہر جگہ دے لوکاں دی سوچ تے اوہناں دے حالات فرق ہوندے نیں۔ ایس لئی مبشر لوکاں دی صورتحال نُوں ویکھدے ہوئیاں گل بات شروع کرن لئی کوئی فرق موضوع چُن سکدے نیں۔ پر جدوں کوئی خاص مہم ہوندی اے تے سانوں ساریاں نُوں اوہناں ہدیتاں تے عمل کرنا چاہی دا اے جیہڑیاں ایہدے بارے سانوں مِلدیاں نیں۔ ساڈا مقصد ایہہ وے کہ اَسی یسوع دے حکم دے مطابق خوشخبری دی مُنادی کرئیے۔—متی 24:14۔
جدوں کوئی مبشر مسیحی زندگی تے خدمت والی عبادت چ کوئی منظر پیش کردا اے تے اوہنوں اوسے موضوع دے مطابق گل کرنی چاہی دی اے جیہڑا ”ساڈی مسیحی زندگی تے خدمت—عبادت لئی قاعدہ“ چ گل بات لئی مشورے دے طور تے دِتا گیا اے۔ پر جدوں تک کوئی خاص ہدیت نہ دِتی گئی ہووے مبشر اوسے موضوع نُوں استمال کردے ہوئیاں اپنے علاقے دے حساب نال کوئی فرق سوال، ایت، اگلی ملاقات لئی سوال یاں صورتحال چُن سکدا اے۔ ایہدا مطلب اے کہ ہُن توں اوہ ہدیت لاگو نئیں ہوندی جیہڑی جون 2020 دے عبادت لئی قاعدے چ صفحہ نمبر 8 تے دِتی گئی سی۔
