ساڈی زندگی لئی ضروری گلاں
ویکھو کہ یہوواہ تواڈیاں دُعاواں دا جواب کیویں دے رہیا اے
بائبل چ ایہو جہیاں کئی مثالاں نیں جنہاں توں پتہ چلدا اے کہ یہوواہ دُعاواں دا جواب دیندا اے۔ جدوں یہوواہ دے بندیاں نے ویکھیا کہ اوہ اوہناں دِیاں دُعاواں سُن دا اے تے اوہناں دی مدد کردا اے تے ایہدے توں یقیناً اوہناں دا ایمان مضبوط ہویا ہوئے گا۔ اوہناں وانگوں سانوں وی دُعا کردے ویلے دل کھول کے یہوواہ نال گل کرنی چاہی دی اے تے فیر غور کرنا چاہی دا اے کہ اوہ ساڈی دُعا دا جواب کیویں دے رہیا اے۔ پر یاد رکھو کہ شاید سانوں ساڈی دُعا دا جواب اُنج نہ ملے جیویں اَسی سوچیا اے۔ (2-کُرنتھیوں 12:7-9؛ اِفسیوں 3:20) یہوواہ ساڈیاں دُعاواں دا جواب کیہڑے کیہڑے طریقیاں نال دیندا اے؟
-
اوہ سانوں مشکلاں دا سامنا کرن لئی سکون، ایمان یاں طاقت دے سکدا اے۔—فِلپّیوں 4:13۔
-
اوہ سانوں صحی فیصلے کرن لئی عقلمندی دے سکدا اے۔—یعقوب 1:5
-
اوہ ساڈے چ کجھ کرن دی خواہش پا سکدا اے تے اوہدے لئی سانوں طاقت دے سکدا اے۔—فِلپّیوں 2:13
-
اوہ سانوں مصیبت دے ویلے چ دلی سکون تے اِطمینان دے سکدا اے۔—فِلپّیوں 4:6، 7
-
اوہ بھین بھراواں دے ذریعے ساڈی مدد کر سکدا اے تے سانوں حوصلہ دے سکدا اے۔—1-یوحنا 3:17، 18
-
یہوواہ اوہناں دی مدد کر سکدا اے جنہاں لئی اَسی دُعا کرنے آں۔—اعمال 12:5، 11
ویڈیو ”یہوواہ دُعاواں نُوں سُن دا اے“ نُوں ویکھو تے فیر ایہناں سوالاں دے جواب دَوو:
-
جے سانوں صحت دے مسئلے نیں تے بھرا تاکیشی دے تجربے توں سانوں حوصلہ کیویں مل سکدا اے؟
-
اَسی بھرا تاکیشی دی مثال تے کیویں عمل کر سکنے آں؟
