ساڈی زندگی لئی ضروری گلاں | نویں خدمتی سال لئی منصوبے بناؤ
پہلکار بنو
یہوواہ دی ہور ودھ چڑھ کے خدمت کرن دے منصوبے بنان نال اَسی اپنی طاقت دا صحی استمال کر رہے ہنے آں۔ (1-کُرنتھیوں 9:26) ایس دُنیا دا خاتمہ نیڑے وے ایس لئی سانوں اپنے وقت نُوں چنگی طرحاں استمال کرنا چاہی دا اے۔ (اِفسیوں 5:15، 16) اپنی خاندانی عبادت دے دوران تُسی آن والے خدمتی سال لئی منصوبے بنان بارے گل بات کر سکدے او۔ عبادت لئی ایس قاعدے چ کجھ منصوبیاں دا ذکر کیتا گیا اے جنہاں تے تُسی سوچوچار کر سکدے او تے رہنمائی لئی یہوواہ کولوں دُعا کر سکدے او۔—یعقوب 1:5۔
مثال لئی، سارے گھر والے مل کے اپنے کسے اِک جی دی مدد کر سکدے نیں تاکہ اوہ پہلکار دے طور تے خدمت کر سکے۔ جے توانوں لگدا اے کہ پہلکار دے طور تے تواڈے لئی گھنٹے پورے کرنا مشکل ہوئے گا تے ایہو جہے پہلکاراں نال گل کرو جنہاں دی صورتحال تواڈے ورگی سی۔ (امثال 15:22) شاید تُسی کسے پہلکار نُوں اپنی خاندانی عبادت چ بلا سکدے او تے اوہدے کولوں ایس بارے پچھ سکدے او۔ فیر تُسی کجھ فرق فرق شیڈول بنا سکدے او۔ جے تُسی پہلاں وی پہلکار دے طور تے خدمت کیتی اے تے غور کرو کہ کیہہ تُسی ہُن وی اِنج کر سکدے او۔
کیہہ تواڈے گھر والیاں وچوں کوئی اِک مہینے لئی یاں اِک توں زیادہ مہینیاں لئی مددگار پہلکار دے طور تے خدمت کر سکدا اے؟ جے تُسی ہر دن زیادہ دیر تک مُنادی نئیں کر سکدے تے تُسی مددگار پہلکار دے طور تے خدمت کرن لئی ہر دن تھوڑے وقت لئی مُنادی کر سکدے او۔ جے تُسی نوکری کردے او یاں سکول چ پڑھدے او تے شاید توانوں ہفتے دے دوران مُنادی دے گروپاں چ جانا مشکل لگے۔ ایس لئی تُسی کوئی ایہو جیہا مہینہ چُن سکدے او جدے چ پنج ہفتے ہون۔ تُسی کیلنڈر چ اوس مہینے تے نشان لا لوو جدے چ تُسی مددگار پہلکار دے طور تے خدمت کرن دا منصوبہ بنایا اے تے نالے ایہدے لئی اِک شیڈول وی بنا لوو۔—امثال 21:5۔
ویڈیو ”دلیر بنو . . . پہلکار دے طور تے“ نُوں ویکھو تے فیر ایس سوال دا جواب دَوو:
-
بھین ایما دے تجربے توں کیویں پتہ چلدا اے کہ یہوواہ اوہناں دا خیال رکھدا اے جیہڑے پہلکار دے طور تے خدمت کرن لئی قربانیاں دیندے نیں؟
