شاگرد بناؤن لئی تربیت | مُنادی دے کم چ اپنی خوشی نُوں ودھاؤ
تحقیق دے اوزاراں نُوں استمال کرو
یہوواہ نے سانوں بوہت سارے اوزار دِتے نیں تاکہ اَسی دُوجیاں نُوں مہارت نال پاک کلام دی تلیم دے سکئے۔ ایہناں اوزاراں چ ساڈیاں ویڈیوز، پرچے، رسالے، کتاباں، تے سب توں اہم اوزار بائبل شامل اے۔(2-تیمُتھیُس 3:16) ایہدے علاوہ یہوواہ نے سانوں تحقیق لئی ہور اوزار وی دِتے نیں تاکہ اَسی ایتاں نُوں چنگی طرحاں سمجھا سکئے۔ ایہناں وچ ”Watchtower Library“، ”جےڈبلیو لائبریری“ ایپ، ”یہوواہ دے گواہواں دی آنلائن لائبریری“ تے ”یہوواہ کے گواہوں کے لئے مطالعے کے حوالے“ شامل نیں۔
جدوں تُسی ایہناں اوزاراں دی مدد نال پاک کلام دا گُوڑھا مطالعیا کرو گے تے توانوں بوہت خوشی ہوئے گی۔ بائبل کورس کرن والیاں نُوں وی ایہہ اوزار استمال کرنا سکھاؤ تاکہ اوہ وی تحقیق کر کے اپنے سوالاں دے جواب آپ لبھن تے خوشی حاصل کرن۔
ویڈیو ”شاگرد بناندے ویلے خوشی حاصل کرو—یہوواہ دی مدد نُوں قبول کرو—تحقیق لئی اوزار“ نُوں ویکھو تے فیر ایہناں سوالاں دے جواب دَوو:
-
تخلیق دے بارے جینی نے کیہڑا سوال پچھیا؟
-
نیتا نے جینی دے سوال دا جواب دین لئی معلومات کتھوں لبھی؟
-
پاک کلام چوں خاص نکتے لبھن نال تے دُوجیاں نُوں دَسن نال سانوں بڑی خوشی مِلدی اے۔
نیتا نے اوہ معلومات کیویں چُنی جدی جینی نُوں ضرورت سی؟
-
جینی دے سوال دا جواب دین لئی تحقیق دے اوزاراں نُوں استمال کر کے نیتا نُوں کیہو جیہا محسوس ہویا؟
