ساڈی زندگی لئی ضروری گلاں
کتاب ”خوشیاں بھری زندگی پاؤ“ نُوں استمال کرو
اَسی ایس گلوں بوہت خوش آں کہ سانوں بائبل کورس کران لئی اِک نوِیں کتاب ملی اے۔ ساڈی دُعا اے کہ یہوواہ ایس کتاب دے ذریعے زیادہ توں زیادہ لوکاں نُوں شاگرد بنان لئی ساڈیاں کوششاں چ برکت پاوے۔ (متی 28:18-20؛ 1-کُرنتھیوں 3:6-9) اَسی ایس نویں اوزار نُوں کیویں استمال کراں گے؟
کتاب ”خوشیاں بھری زندگی پاؤ“ دے ذریعے اَسی دلچسپ تے نویں طریقے نال بائبل کورس کرانواں گے۔ ایس لئی بائبل کورس دی تیاری کردے ویلے تے بائبل کورس کراندے ویلے ایہناں ہدیتاں تے عمل کرو: *
-
پیراگراف پڑھو تے فیر سوالاں تے گل بات کرو۔
-
اوہناں ایتاں نُوں پڑھو جنہاں نُوں پڑھن لئی کہیا گیا اے۔ فیر بائبل کورس کرن والے دی مدد کرو تاکہ اوہ ایہناں دا مطلب سمجھ سکے۔
-
ویڈیوز نُوں مِل کے ویکھو تے ایہناں نال دِتے گئے سوالاں تے گل بات کرو۔
-
کوشش کرو کہ اِک سبق نُوں اِک ای وار چ ختم کرو۔
مُنادی دے دوران لوکاں نُوں سب توں پہلے تِن سبقاں والی کتاب دَوو تاکہ تُسی ویکھ سکو کہ اوہ واقعی بائبل کورس کرنا چاہندے نیں کہ نئیں۔ (بکس ” پہلی ملاقات تے کتاب ”خوشیاں بھری زندگی پاؤ“ نُوں پیش کرن دا طریقہ“ نُوں ویکھو۔) جے بائبل کورس کرن والے نے پہلے 3 سبق ختم کر لئے نیں تے اوہ ہور سکھنا چاہندا اے تے فیر تُسی وڈی کتاب دے سبق نمبر 4 توں اوہدے نال بائبل کورس جاری رکھو۔ جے تُسی پہلے توں ای کسے نُوں پاک کلام دی تلیم یاں محبت میں قائم کتاب وچوں بائبل کورس کرا رہے او تے فیر ہُن ایہناں کتاباں دی بجائے ایس نوِیں کتاب چوں بائبل کورس کراؤ۔ نالے ایہہ وی ویکھو کہ توانوں کیس سبق توں بائبل کورس شروع کرانا چاہی دا اے۔
ویڈیو ”آؤ اِک دلچسپ بائبل کورس شروع کرئیے“ نُوں ویکھو تے فیر ایہناں سوالاں دے جواب دَوو:
-
بائبل کورس کرن والے نوِیں کتاب چوں کیہہ کجھ سکھن گے؟
-
توانوں بائبل کورس کرن والیاں نُوں ایہہ ویڈیو کیوں وکھانی چاہی دی اے؟
-
تُسی بائبل کورس کرن والیاں نُوں ہر سبق ختم کرن توں بعد ہور کیہہ کرن لئی کہہ سکدے او؟ (چارٹ ” کتاب دے ہر حصے دا مقصد تے طالبِعلم لئی کم“ نُوں ویکھو۔)
^ پیراگراف 4 نوٹ: بائبل کورس کراندے ویلے ”ہور جانن لئی“ والے حصے تے گل بات کرنا بھانویں کہ لازمی نئیں پر فیر وی تیاری کردے ویلے ایس حصے دے سارے مضمون پڑھن تے ہر ویڈیو ویکھن لئی وقت کڈھو۔ اِنج تُسی ویکھ سکو گے کہ کیہڑی معلومات تواڈے طالبِعلم نُوں پسند آئے گی تے اوہدی مدد کرے گی۔ جے اَسی ایس کتاب نُوں اپنی ویبسائٹ یاں جے ڈبلیو لائبریری چ ویکھاں گے تے سانوں ہر مضمون تے ویڈیو دا لنک مِل جائے گا۔
|
کتاب دے ہر حصے دا مقصد تے طالبِعلم لئی کم |
|||
|---|---|---|---|
|
سبق |
مقصد |
طالبِعلم لئی کجھ کم |
|
|
1-12 |
تُسی سکھو کہ بائبل کیویں تواڈی مدد کر سکدی اے تے تُسی اوس ہستی نُوں ہور چنگی طرحاں کیویں جان سکدے او جنہے ایہنوں لکھوایا اے۔ |
تُسی سکھو کہ خدا نے ساڈے لئی کیہہ کجھ کیتا اے تے اوہ کیہو جہی عبادت پسند کردا اے؟ |
|
|
13-33 |
تُسی سکھو کہ خدا اپنے بندیاں کولوں کیہہ توقع کردا اے؟ |
تُسی سکھو کہ تُسی خدا دی محبت چ کیویں قائم رہ سکدے او؟ |
|
|
34-47 |
بائبل پڑھو، بائبل کورس دی پہلے توں تیاری کرو تے عبادتاں تے آنا شروع کرو۔ |
بائبل چوں سکھیاں ہوئیاں گلاں دُوجیاں نُوں وی دَسو تے کلیسیا چ مبشر بنو۔ |
|
|
48-60 |
اپنی زندگی یہوواہ دے ناں کرو تے بپتسمہ لوو۔ |
صحی تے غلط دی پچھان کرنا سکھو تے یہوواہ دے نال اپنے رشتے نُوں مضبوط کرو۔ |
|
