5:‏8،‏ 18،‏ 21

فدیہ یہوواہ خدا وَلّوں اِک بوہت ای قیمتی تحفہ اے جدے ذریعے اوہدا ناں پاک ٹھہردا اے۔‏ ایہدے توں ایہہ وی ثابت ہوندا اے کہ صرف یہوواہ ای حکمرانی کرن دا حق رکھدا اے تے اوہدا حکمرانی کرن دا طریقہ بالکل صحی اے۔‏ فدیے دی وجہ توں نہ صرف اَج اَسی یہوواہ دِیاں نظراں چ نیک ٹھہر سکنے آں سگوں ایہدے توں ایہہ امید وی مِلدی اے کہ خدا دے فرمانبردار لوکاں دا مستقبل خوشیاں نال بھریا ہوئے گا۔‏

اَسی فدیے لئی شکرگزاری کیویں وکھا سکنے آں؟‏

•  اَسی اپنی زندگی یہوواہ خدا دے ناں کر کے بپتسمہ لے سکنے آں۔‏ اِنج اَسی فدیے تے اپنا ایمان ظاہر کراں گے تے ایہہ وی ظاہر کراں گے کہ اَسی ہر حال چ یہوواہ دی مرضی تے چلنا چاہنے آں۔‏

•  اَسی خدا دی بادشاہی دی خوش‌خبری دی منادی کر سکنے آں۔‏ اِنج اَسی ظاہر کراں گے کہ اَسی یہوواہ خدا وانگوں ہر طرحاں دے لوکاں نال محبت کرنے آں۔‏—‏متی 22:‏39؛‏ یوحنا 3:‏16‏۔‏

مَیں ہور کیہڑے طریقیاں نال وکھا سکنا واں کہ مَیں فدیے لئی یہوواہ خدا دا شکرگزار آں؟‏