تُسی کِنّی دیر توں خدا دی بادشاہی دے آؤن دا اِنتظار کر رہے او؟‏ کیہہ تُسی مشکلاں دے باوجود ثابت‌قدمی نال اِنتظار کر رہے او؟‏ (‏رومیوں 8:‏25‏)‏ کجھ بھین بھراواں نُوں نفرت تے بُرے سلوک دا سامنا کرنا پیندا اے،‏ کجھ نُوں قید کر دِتا جاندا اے،‏ ایتھوں تک کہ کجھ بھین بھراواں دی زندگی خطرے چ ہوندی اے۔‏ کئی ہور بھین بھراواں نُوں بیماری یاں بڑھاپے دِیاں مشکلاں چوں لنگھنا پیندا اے۔‏

اَسی کیہہ کر سکنے آں تاکہ اَسی کسے وی مشکل دے باوجود خدا دی بادشاہی دا اِنتظار کردے ہوئیاں ہمت نہ ہاریئے؟‏ سانوں اپنے ایمان نُوں پکا کرن لئی ہر روز بائبل پڑھنی چاہی دی اے نالے ایہدے چوں سکھیاں ہوئیاں گلاں تے سوچ‌وچار کرنا چاہی دا اے۔‏ سانوں اپنا پورا دھیان اپنی امید تے رکھنا چاہی دا اے۔‏ (‏2-‏کُرنتھیوں 4:‏16-‏18؛‏ عبرانیوں 12:‏2‏)‏ سانوں دُعا چ یہوواہ کولوں دِلوں درخاست کرنی چاہی دی اے کہ اوہ سانوں اپنی پاک روح دے ذریعے طاقت بخشے۔‏ (‏لُوقا 11:‏10،‏ 13؛‏ عبرانیوں 5:‏7‏)‏ ساڈا شفیق باپ ساڈی مدد کردا اے کہ اَسی صبر تے خوشی نال ثابت‌قدم رہیے۔‏—‏کلسیوں 1:‏11‏۔‏

ویڈیو ‏”‏ثابت‌قدمی نال دوڑدے رہوو—‏ایس طرحاں دوڑو کہ انعام جت لوو‏“‏ ویکھو تے فیر ایہناں سوالاں دے جواب دَوو:‏

•  ساڈی زندگی چ اِک دم کیہڑیاں مشکلاں آ سکدیاں نیں؟‏ (‏واعظ 9:‏11‏)‏

•  جدوں ساڈے تے مشکلاں آؤندیاں نیں تے دُعا کرن نال سانوں مدد کیویں مِلدی اے؟‏

•  جے اَسی پہلے وانگوں یہوواہ دی خدمت نئیں کر سکدے تے فیر وی سانوں اپنا دھیان ایس گل تے کیوں رکھنا چاہی دا اے کہ اَسی ہُن یہوواہ دی خدمت چ کیہہ کجھ کر سکنے آں؟‏

•  کیہڑی گل انعام جت لین دا پورا یقین رکھن چ تواڈی مدد کر رہی اے؟‏