واپسی ملاقاتاں کردے ویلے یاں کسے نُوں بائبل کورس کراندے ویلے سانوں اگلے بندے دی پوری مدد کرنی چاہی دی اے تاکہ اوہ گل‌بات دے خاص نکتے نُوں سمجھ سکے۔‏ جدوں اَسی خاص نکتیاں نُوں سمجھان لئی مثالاں استمال کرنے آں تے لوکاں لئی پاک کلام دی تلیم نُوں سمجھنا تے ایہنوں یاد رکھنا اسان ہو جاندا اے۔‏ اِنج اوہناں چ ہور سکھن دا شوق ودھدا اے۔‏

واپسی ملاقات یاں بائبل کورس دی تیاری کردے ویلے چھوٹیاں چھوٹیاں گلاں تے دھیان دین دی بجائے خاص خاص نکتے چُنو جنہاں تے تُسی گل کرو گے۔‏ فیر سادہ تے عام جہیاں مثالاں سوچو جیہڑ‌یاں تُسی ایہہ نکتے سمجھان لئی استمال کرو گے۔‏ (‏متی 5:‏14-‏16؛‏ مرقس 2:‏21؛‏ لُوقا 14:‏7-‏11‏)‏ مثالاں چُن دے ویلے اوس بندے دے رہن‌سہن تے کم‌کار نُوں وی ذہن چ رکھو۔‏ (‏لُوقا 5:‏2-‏11؛‏ یوحنا 4:‏7-‏15‏)‏ جدوں اوہ کوئی خاص نکتہ سمجھ جائے گا تے نہ صرف اوہنوں خوشی ہوئے گی سگوں توانوں وی بڑی خوشی ہوئے گی۔‏

ویڈیو ‏”‏شاگرد بناندے ویلے خوشی حاصل کرو—‏اپنیاں مہارتاں نُوں نکھارو—‏خاص نکتے سمجھان لئی مثالاں استمال کرو‏“‏ ویکھو تے فیر ایہناں سوالاں دے جواب دَوو:‏

• بائبل کورس کرن والے نُوں ایتاں نُوں سمجھن لئی مدد دی ضرورت کیوں ہوندی اے؟‏

• نیتا نے رومیوں 5:‏12 چ دَسی گئی گل نُوں سمجھان لئی کیہڑی مثال استمال کیتی؟‏

• چنگیاں مثالاں دا لوکاں تے کیہہ اثر ہوندا اے؟‏

• سانوں مُنادی چ ویڈیوز تے تلیم دین دے دُوجے اوزار کیوں استمال کرنے چاہی دے نیں؟‏