ہُن ایس آخری زمانے دِیاں بالکل آخری گھڑیاں چل رہیاں نیں۔‏ ایس لئی سانوں بوہت زیادہ مشکلاں تے مصیبتاں دا سامنا کرنا پے سکدا اے۔‏ (‏2-‏تیمُتھیُس 3:‏1‏؛‏ ‏”‏ترجمہ نئی دُنیا“‏ دے آن‌لائن مطالعے دے ایڈیشن چ متی 24:‏8 تے اضافی معلومات نُوں ویکھو۔‏)‏ جدوں وی کوئی قدرتی آفت آندی اے تے یہوواہ اپنے بندیاں نُوں عین وقت تے جان بچان والیاں ہدیتاں دیندا اے۔‏ مستقبل چ آن والی کسے وی قدرتی آفت توں بچن لئی ضروری اے کہ اَسی ہُن روحانی تے جسمانی لحاظ نال تیار رہیے۔‏—‏لُوقا 16:‏10‏۔‏

• روحانی لحاظ نال تیاری:‏ ہر روز بائبل پڑھو تے دُعا کرو۔‏ فرق فرق طریقیاں نال مُنادی کرنا سکھو۔‏ جے تُسی وقتی طور تے اپنی کلیسیا دے بھین بھراواں توں وِچھڑ جاندے او تے بوہتا پریشان نہ ہووو۔‏ (‏یسعیاہ 30:‏15‏)‏ یہوواہ تے یسوع ہمیشاں تواڈے نال ای رہن گے۔‏‏—‏اوڈی ص.‏ 176 پ.‏ 15-‏17۔‏

• جسمانی لحاظ نال تیاری:‏ ضروری شیواں دا اِک بیگ بنان دے علاوہ اپنے گھر چ کجھ کھان پِین دِیاں چیزاں،‏ دوائیاں تے کجھ ہور ضروری شیواں جمع کر کے رکھو تاکہ جے کسے قدرتی آفت دی وجہ توں توانوں کجھ عرصے لئی کسے جگہ بند رہنا پوے تے توانوں مشکل نہ ہووے۔‏—‏امثال 22:‏3‏؛‏ جی17.‏5 ص.‏ 4،‏ 6۔‏

ویڈیو ‏”‏کیہہ تُسی قدرتی آفتاں دا سامنا کرن لئی تیار او؟‏‏“‏ ویکھو تے فیر ایہناں سوالاں دے جواب دَوو:‏

• اَسی کوئی قدرتی آفت آن تو پہلاں روحانی لحاظ نال تیاری کیویں کر سکنے آں؟‏

• سانوں کیوں:‏

  • اپنی کلیسیا دے بزرگاں نال رابطے چ رہنا چاہی دا اے؟‏

  • ضروری سامان دا اِک بیگ بنا کے رکھنا چاہی دا اے؟‏

  • ایہہ جاننا چاہی دا اے کہ ساڈے علاقے چ کیہڑی کیہڑی آفت آ سکدی اے تے اَسی ایہدا سامنا کیویں کر سکنے آں؟‏

• جدوں کوئی قدرتی آفت آندی اے تے اَسی کیہڑے تِن طریقیاں نال لوکاں دی مدد کر سکنے آں؟‏

اپنے آپ کولوں پچھو:‏ مَیں کورونا وائرس دی وبا توں کسے وی آفت لئی تیار رہن بارے کیہہ سکھیا اے؟‏