مُنادی دے کم چ جے اَسی آپ جوش نال گل کراں گے تے دُوجے وی بڑی دلچسپی نال ساڈا پیغام سنن گے۔‏ ایس توں ایہہ وی ظاہر ہوئے گا کہ اَسی اپنے پیغام نُوں بوہت اہم سمجھنے آں۔‏ بھانویں ساڈا تعلق جیہڑ‌ی وی قوم یاں ملک نال ہووے یاں ساڈی شخصیت جیہو جہی وی ہووے،‏ اَسی اپنے اندر جوش پیدا کر سکنے آں۔‏ (‏رومیوں 12:‏11‏)‏ پر کیویں؟‏

پہلی گل،‏ اپنے پیغام دی اہمیت بارے سوچو۔‏ یاد رکھو کہ سانوں چنگیاں چیزاں دی خوش‌خبری سنان دا مان بخشیا گیا اے۔‏ (‏رومیوں 10:‏15‏)‏ دُوجی گل،‏ سوچو کہ بادشاہی دی خوش‌خبری سُن کے لوکاں نُوں کیہہ فائدہ ہوئے گا۔‏ ایہہ بوہت ضروری اے کہ اوہ ساڈے پیغام نُوں سنن۔‏ (‏رومیوں 10:‏13،‏ 14‏)‏ تیجی گل،‏ جوش نال بولو،‏ عام بول‌چال دے انداز چ گل کرو تے چہرے تے مسکراہٹ رکھو۔‏

ویڈیو ‏”‏شاگرد بناندے ویلے خوشی حاصل کرو—‏اپنیاں مہارتاں نُوں نکھارو—‏جوش نال تلیم دَوو‏“‏ ویکھو تے فیر ایہناں سوالاں دے جواب دَوو:‏

• کیس گل دی وجہ توں جینی نال بائبل کورس کرن لئی نیتا دا جوش گھٹ ہو گیا سی؟‏

• کیس گل نے نیتا دی مدد کیتی کہ اوہ فیر توں جوش نال جینی نُوں بائبل کورس کرائے؟‏

• سانوں اوہناں لوکاں دِیاں خوبیاں نُوں دھیان چ کیوں رکھنا چاہی دا اے جیہڑ‌ے ساڈا پیغام سن دے نیں؟‏

• ساڈے جوش دا بائبل کورس کرن والیاں تے دُوجے لوکاں تے کیہہ اثر پوے گا؟‏