اَسی سارے عیب‌دار آں۔ ایس لئی سانوں اپنیاں خواہشاں نُوں قابو چ رکھن لئی لگاتار کوشش کرنی پیندی اے۔ جے اَسی اپنیاں خواہشاں نُوں قابو چ نئیں رکھاں گے تے اَسی یہوواہ دی خوشنودی گنوا بیٹھاں گے۔ جیویں کہ کجھ لوک کھان پین،کپڑے لتے تے گھربار نُوں اینی اہمیت دیندے نیں کہ اوہناں دے دل چ یہوواہ لئی محبت ٹھنڈی پے جاندی اے۔ تے کجھ لوک اپنیاں جنسی خواہشاں نُوں پورا کرن لئی خدا دے معیاراں دے خلاف وی چلے جاندے نیں۔ (‏رومیوں 1:‏26، 27‏)‏ جد کہ کجھ لوکاں دے دل چ خواہش ہوندی اے کہ دُوجے اوہناں نُوں پسند کرن۔ ایہدے لئی اوہ کسے دے وی دباؤ چ آ کے غلط کم کر لیندے نیں۔—‏خروج 23:‏2‏۔‏

اَسی اپنیاں خواہشاں نُوں قابو چ کیویں رکھ سکنے آں؟ ایہدے لئی ضروری اے کہ اَسی اپنا دھیان اوہناں گلاں تے رکھئے جنہاں توں یہوواہ خوش ہوندا اے۔ (‏متی 4:‏4‏)‏ ایہدے علاوہ سانوں یہوواہ کولوں اِلتجا کرنی چاہی دی اے کہ اوہ ساڈی مدد کرے کہ اَسی اپنیاں خواہشاں نُوں قابو چ رکھ سکئے۔ ایہہ کیوں ضروری اے؟ کیونکہ یہوواہ نُوں پتہ اے کہ ساڈے لئی کیہہ چنگا اے تے اوہ جاندا اے کہ ساڈے لئی اپنیاں جائز خواہشاں نُوں پورا کرن دا صحی طریقہ کیہہ اے۔—‏زبور 145:‏16‏۔‏

ویڈیو ‏”‏اپنی زندگی سگریٹ دے دھوئیں چ نہ اُڈاؤ‏“‏ نُوں ویکھو تے فیر ایہناں سوالاں دے جواب دَوو:‏

• لوک سگریٹ کیوں پیندے نیں؟‏

• سگریٹ پین نال توانوں کیہہ نقصان ہو سکدا اے؟‏

• سگریٹ تے شیشہ پینا غلط کیوں اے؟—‏2-‏کُرنتھیوں 7:‏1‏۔‏

• تُسی سگریٹ پین توں انکار کیویں کر سکدے او یاں فیر ایس عادت توں جان کیویں چھڈا سکدے او؟‏