جیویں جیویں ایس دُنیا دا خاتمہ نیڑے آئے گا اونویں اونویں دنگے فساد، دہشت‌گردی تے جنگاں ودھن گیاں۔ (‏مکاشفہ 6:‏4‏)‏ اَسی اپنے آپ نُوں ایہناں حالاتاں لئی کیویں تیار کر سکنے آں؟‏

• روحانی لحاظ نال تیاری:‏ بائبل چوں ایہو جہے اصولاں تے واقعیاں تے غور کرو جنہاں توں یہوواہ خدا تے اوہدی تنظیم تے تواڈا بھروسا ودھے تاکہ تُسی سیاسی معاملیاں چ کسے دی طرف‌داری کرن توں بچ سکو۔ (‏امثال 12:‏5‏؛ جے‌آر ص.‏ 125، 126 پ.‏ 23، 24)‏ ایہی وقت اے کہ تُسی کلیسیا چ بھین بھراواں نال اپنی دوستی نُوں مضبوط کرو۔—‏1-‏پطرس 4:‏7، 8‏۔‏

• جسمانی لحاظ نال تیاری:‏ اپنے گھر چ پہلاں توں ای کھان پین دِیاں شیواں تے کجھ دُوجیاں ضروری شیواں جمع کر کے رکھو تاکہ جے توانوں اپنے گھر چ کجھ عرصے لئی بند رہنا پوے تے توانوں کوئی مشکل نہ ہووے۔ پہلاں توں ای سوچ کے رکھو کہ جے توانوں گھروں بھجنا پیندا اے تے تُسی اوس ویلے کیہہ کرو گے۔ اپنے ایمرجنسی بیگ چ رکھیاں ہوئیاں چیزاں نُوں چیک کرو۔ جے کسے ہور چیز دی لوڑ اے تے اوہ وی ایہدے چ رکھ لو جیویں کہ پیسے، ماسک تے دستانے وغیرہ۔ توانوں ایہہ پتہ ہونا چاہی دا اے کہ تُسی بزرگاں نال کیویں رابطہ کر سکدے او۔ ایس گل دی وی تسلی کر لوَو کہ بزرگاں نُوں وی پتہ ہووے کہ اوہ تواڈے نال کیویں رابطہ کر سکدے نیں۔—‏یسعیاہ 32:‏2‏؛ جی17.‏5 ص.‏ 3-‏7۔‏

دنگے فساد دے دوران دُعا کرنا،بائبل پڑھنا تے عبادتاں چ شامل ہونا جاری رکھو۔ (‏فِلپّیوں 1:‏10‏)‏ کسے ضروری کم دے علاوہ گھروں باہر نہ نکلو۔ (‏متی 10:‏16‏)‏ کھان پین دِیاں شیواں تے دُوجیاں شیواں آپس چ مل کے استمال کرو۔—‏رومیوں 12:‏13‏۔‏

ویڈیو ‏”‏کیہہ تُسی قدرتی آفتاں دا سامنا کرن لئی تیار او؟‏‏“‏ نُوں ویکھو تے فیر ایہناں سوالاں دے جواب دَوو:‏

• جدوں کوئی آفت آندی اے تے یہوواہ ساڈی مدد کیویں کردا اے؟‏

• اَسی آفتاں دا سامنا کرن لئی پہلاں توں تیاری کیویں کر سکنے آں؟‏

• اَسی آفتاں دا سامنا کرن والے بھین بھراواں دی مدد کیویں کر سکنے آں؟‏