یسوع نے تلیم دیندے ویلے اپنے زمانے چ ہون والے واقعیاں دا حوالہ دِتا۔ (‏لُوقا 13:‏1-‏5‏)‏ تُسی وی بادشاہی دے پیغام چ لوکاں دی دلچسپی ودھان لئی اِنج کر سکدے او۔ مثال لئی، تُسی کسے بندے نال مہنگائی، قدرتی آفت، دنگے فساد، نشے‌بازی یاں فیر ایہو جہے کسے ہور موضوع بارے گل شروع کر سکدے او۔ فیر اوہدی دلچسپی نُوں ودھان لئی تُسی اوہدے کولوں کوئی سوال پچھ سکدے او۔ جیویں کہ ”‏کیہہ ایہہ مسئلہ کدی ختم ہوئے گا؟“‏یاں ”‏ایہدے حل بارے تُسی کیہہ سوچدے او؟“‏ فیر اوس بندے نُوں ایس موضوع بارے بائبل چوں کوئی ایت وکھاؤ۔ جے اوہ دلچسپی وکھاندا اے تے اوہدی توجہ ساڈے تلیم دین دے اوزاراں وچوں کسے ویڈیو یاں رسالے وغیرہ تے دَواؤ۔ آؤ اَسی اپنے علاقے دے لوکاں نُوں خوش‌خبری سنان دی خاطر سب کجھ کرن لئی تیار رہیے۔—‏1-‏کُرنتھیوں 9:‏22، 23‏۔‏

تواڈے علاقے چ لوکاں نُوں کیہڑے موضوعاں بارے گل کرنا پسند اے؟‏