ساڈی زندگی لئی ضروری گلاں
اپنے آپ نُوں یہوواہ دی نظر نال ویکھو
یہوواہ اپنے لوکاں توں خوش ہوندا اے۔ (زبور 149:4) بھانویں کہ اَسی عیبدار آں پر فیر وی یہوواہ ساڈی خوبیاں تے اوہناں کماں تے دھیان دیندا اے جیہڑے اَسی کر سکنے آں۔ پر کدی کدار سانوں اپنیاں خوبیاں تے دھیان دینا اوکھا لگ سکدا اے۔ شاید دُوجیاں دے بھیڑے رویے دی وجہ توں اَسی سوچن لگ پئیے کہ اَسی کسے کم دے نئیں۔ یاں فیر ہو سکدا اے کہ اَسی اوہناں غلطیاں بارے سوچدے رہیے جیہڑیاں ساڈے کولوں پہلاں ہوئیاں سن تے سوچئے کہ کیہہ یہوواہ حالے وی سانوں پیار کردا اے یاں نئیں۔ جے اَسی اِنج محسوس کرنے آں تے کیہڑی چیز ساڈی مدد کر سکدی اے؟
یاد رکھو کہ یہوواہ ویکھ سکدا اے کہ اَسی کیہو جہے انسان آں جد کہ لوک ایہہ نئیں ویکھ سکدے۔ (1-سموئیل 16:7) ایہدا مطلب اے کہ یہوواہ ساڈے بارے سب کجھ جان دا اے، او گلاں وی جو اَسی اپنے بارے نئیں جان دے۔ اَسی شکرگزار آں کہ بائبل دے ذریعے سانوں پتہ چلدا اے کہ یہوواہ ساڈے بارے کیہہ سوچدا اے۔ جدوں اَسی بائبل پڑھنے آں تے ایہدے چ لکھیاں گلاں تے غور کرنے آں تے سانوں پتہ چلدا اے کہ یہوواہ اپنے بندیاں نُوں کِنّاں پیار کردا اے۔
ویڈیو ”اپنے دل نُوں یقین دَواؤ کہ یہوواہ نے توانوں معاف کر دِتا اے“ نُوں ویکھو تے فیر ایہناں سوالاں دے جواب دَوو:
-
دوڑ چ حصہ لین والے منڈے دے پیو دی مثال توں کیویں ظاہر ہوندا اے کہ یہوواہ ساڈے بارے کیہہ سوچدا اے؟
-
جے کوئی گُناہ کرن توں بعد توبہ کر کے اپنے آپ نُوں بدّل لوے تے اوہ ایہہ یقین کیوں رکھ سکدا اے کہ یہوواہ نے اوہنوں معاف کر دِتا اے؟—1-یوحنا 3:19، 20
-
بھرا نُوں داؤد تے یہوسفط دی مثال بارے پڑھن تے ایہدے تے سوچوچار کرن نال کیہہ فائدہ ہویا؟
