شاگرد بناؤن لئی تربیت | مُنادی دے کم چ اپنی خوشی نُوں ودھاؤ
بائبل کورس کرن والیاں دی مدد کرو تاکہ اوہ یہوواہ نال اپنی دوستی مضبوط کرن
یہوواہ چاہندا اے کہ اَسی اوہدی خدمت اوہدے نال محبت کرن دی وجہ توں کرئیے۔ (متی 22:37، 38) جدوں بائبل کورس کرن والے لوکاں دے دل چ یہوواہ لئی محبت ودھدی اے تے اوہ اپنی زندگی چ تبدیلیاں لیاندے نیں تے مشکلاں دا مقابلہ کردے نیں۔ (1-یوحنا 5:3) ایسے محبت دی وجہ توں ای اوہ بپتسمہ لین دا فیصلہ کردے نیں۔
بائبل کورس کرن والیاں دی ایہہ سمجھن چ مدد کرو کہ یہوواہ اوہناں نُوں کِنّاں پیار کردا اے۔ اوہناں کولوں ایہو جہے سوال پچھو جیویں کہ ”ایس گل توں یہوواہ بارے کیہہ پتہ چلدا اے؟“ یاں فیر ”ایس گل توں کیویں پتہ چلدا اے کہ یہوواہ توانوں پیار کردا اے؟“ ایہہ گل سمجھن چ وی اوہناں دی مدد کرو کہ یہوواہ ذاتی طور تے اوہناں دی مدد کیویں کر رہیا اے۔ (2-تواریخ 16:9) اوہناں نُوں دَسو کہ یہوواہ نے تواڈی کسے دُعا دا جواب کیویں دِتا اے۔ تے اوہناں دی حوصلہافزائی کرو کہ اوہ وی غور کرن کہ یہوواہ اوہناں دِیاں دُعاواں دا جواب کیویں دے رہیا اے۔ سانوں اوہدوں بڑی خوشی ہوندی اے جدوں بائبل کورس کرن والے لوک یہوواہ دی محبت نُوں محسوس کردے نیں تے اوہدے نیڑے جانا چاہندے نیں۔
ویڈیو ”بائبل کورس کرن والیاں دی مدد کرو تاکہ اوہ یہوواہ نال اپنی دوستی مضبوط کرن“ نُوں ویکھو تے فیر ایہناں سوالاں دے جواب دَوو:
-
جینی نُوں کیہڑی مشکل دا سامنا سی؟
-
نیتا نے جینی دی مدد کیویں کیتی؟
-
جینی نے اپنی مشکل دا مقابلہ کیویں کیتا؟
