شاگرد بناؤن لئی تربیت | مُنادی دے کم چ اپنی خوشی نُوں ودھاؤ
بائبل کورس کرن والیاں دی مدد کرو تاکہ اوہ بھیڑیاں عادتاں نُوں چھڈن
یہوواہ نال دوستی کرن لئی ضروری اے کہ ساڈا چالچلن پاک ہووے۔ (1-پطرس 1:14-16) جدوں بائبل کورس کرن والے لوک اپنیاں بھیڑیاں عادتاں نُوں چھڈ دیندے نیں تے اوہناں دی گھریلو زندگی خوشگوار ہو جاندی اے، صحت چنگی رہندی اے تے اوہ مالی نقصان توں وی بچ جاندے نیں۔
بائبل کورس کرن والیاں نُوں کُھل کے دَسو کہ یہوواہ نے کیہڑے حکم دِتے نیں تے کیوں دِتے نیں، نالے ایہناں نُوں منن دے کیہہ فائدے نیں۔ اوہناں دی مدد کرو کہ اوہ اپنی سوچ نُوں بدلن۔ اِنج اوہ اپنا چالچلن یہوواہ دی مرضی مطابق ڈھالن دے قابل ہون گے۔ (اِفسیوں 4:22-24) اوہناں نُوں یقین دَواؤ کہ کوئی بھیڑی عادت بھانویں جِنّی وی پرانی ہووے، یہوواہ دی مدد نال اوہنوں چھڈیا جا سکدا اے۔ (فِلپّیوں 4:13) اوہناں نُوں سکھاؤ کہ جدوں اوہناں دے دل چ کوئی غلط خیال آئے تے اوہ مدد لئی یہوواہ کولوں دُعا کرن۔ نالے اوہ ایہو جہی صورتحال نُوں وی پچھانن تے اوہدے توں بچن جدے چ اوہ کوئی غلط کم کرن دی ازمیش چ پے سکدے نیں۔ اوہناں دی حوصلہافزائی کرو کہ اوہ ایہو جہے کم کرن جنہاں توں اوہناں نُوں فائدہ ہووے۔ جدوں بائبل کورس کرن والے لوک یہوواہ دی مدد نال اپنیاں بھیڑیاں عادتاں نُوں چھڈ دیندے نیں تے سانوں بڑی خوشی ہوندی اے۔
ویڈیو ”بائبل کورس کرن والیاں دی مدد کرو تاکہ اوہ بھیڑیاں عادتاں نُوں چھڈن“ نُوں ویکھو تے فیر ایہناں سوالاں دے جواب دَوو:
-
نیتا نے تے بزرگاں نے جینی تے بھروسا کیویں ظاہر کیتا؟
-
نیتا نے جینی دی ہور مدد کیویں کیتی؟
-
جینی نے یہوواہ توں طاقت حاصل کرن لئی کیہہ کیتا؟
