1-7 اپریل
زبور 23-25
گیت نمبر 4 تے دُعا | عبادت دے شروع چ کجھ خاص گلاں (1 منٹ)
1. یہوواہ میرا چرواہا اے
(10 منٹ)
یہوواہ ساڈی رہنمائی کردا اے۔ (زبور 23:1-3؛ ڈبلیو11 1/5 ص. 31 پ. 3)
یہوواہ ساڈی حفاظت کردا اے۔ (زبور 23:4؛ ڈبلیو11 1/5 ص. 31 پ. 4)
یہوواہ ساڈیاں لوڑاں نُوں پورا کردا اے۔ (زبور 23:5؛ ڈبلیو11 1/5 ص. 31 پ. 5)
جیویں اِک پیار کرن والا چرواہا اپنیاں بھیڈاں دا خیال رکھدا اے، اونویں ای یہوواہ وی اپنے بندیاں دا بوہت خیال رکھدا اے۔
اپنے آپ کولوں پچھو: یہوواہ نے ذاتی طور تے میرا خیال کیویں رکھیا اے؟
2. سنہری گلاں
(10 منٹ)
زبور 23:3—صداقت دی راہ کیہڑی اے تے کیہڑی چیز ساڈی مدد کرے گی تاکہ اَسی ایس راہ تے چلدے رہیے؟ (م11 1/2 ص. 24 پ. 1-3)
تُسی 23 توں 25 زبور وچوں کیہڑیاں سنہری گلاں سکھیاں نیں؟
3. بائبل چوں پڑھائی
(4 منٹ) زبور 23:1–24:10 (”تلیم دین تے پڑھن چ ماہر بنو،“ نکتہ نمبر 5)
4. گل بات شروع کرنا
(3 منٹ) موقع مِلن تے گواہی۔ بائبل دی کسے ایت دے ذریعے اِک ایہو جہے بندے دا حوصلہ ودھاؤ جیہڑا ایس دُنیا دے بُرے ماحول دی وجہ توں پریشان اے۔ (”پیار وکھاؤ،“ سبق نمبر 2، نکتہ نمبر 5)
5. گل بات نُوں جاری رکھنا
(4 منٹ) گھر گھر گواہی۔ جیس بندے نے پچھلی واری تِن سبقاں والی کتاب ”خوشیاں بھری زندگی پاؤ“ نُوں قبول کیتا سی، اوہنوں وکھاؤ کہ اَسی ایس کتاب توں بائبل کورس کیویں کرانے آں۔ (”پیار وکھاؤ،“ سبق نمبر 9، نکتہ نمبر 3)
6. شاگرد بنانا
گیت نمبر 1
7. اَسی اجنبیاں دی آواز نئیں سُندے
(15 منٹ) حاضرین نال گلبات۔
بھیڈاں اپنے چرواہے دی آواز پچھان دِیاں نیں تے اوہدے پچھے پچھے جاندیاں نیں۔ پر اوہ اجنبی توں دُور بھج دِیاں نیں کیونکہ اوہ اوہدی آواز نئیں پچھان دِیاں۔ (یوحنا 10:5) ایسے طرحاں اَسی وی یہوواہ تے یسوع دی آواز سننے آں کیونکہ اوہ پیار کرن والے چرواہے نیں جنہاں تے اَسی بھروسا کر سکنے آں۔ (زبور 23:1؛ یوحنا 10:11) پر اَسی اجنبیاں دی آواز نئیں سُن دے جیہڑے جھوٹھیاں گلاں کر کے ساڈے ایمان نُوں کمزور کرن دی کوشش کردے نیں۔—2-پطرس 2:1، 3۔
پیدائش 3 باب چ اوس ویلے بارے دَسیا گیا اے جدوں زمین تے انساناں نے پہلی وار اِک اجنبی دی آواز سُنی۔ شیطان نے اِک سَپ دے ذریعے حوا نال گل کیتی تاکہ اوہنوں پتہ نہ لگے کہ کون اوہدے نال گل کر رہیا اے۔ اوہ ظاہر کر رہیا سی کہ اوہ اوہدا دوست اے پر اصل چ اوہنے یہوواہ دِیاں گلاں تے مقصد بارے اوہدے نال جھوٹھ بولیا۔ افسوس دی گل اے کہ حوا نے اوہدی گل سُن لئی تے ایہدا ایہہ نتیجہ نکلیا کہ اوہنوں تے اوہدے خاندان نُوں بوہت ساریاں تکلیفاں دا سامنا کرنا پیا۔
اَج وی شیطان ساڈے دل چ یہوواہ تے اوہدی تنظیم بارے شک پیدا کرن دی کوشش کردا اے۔ اوہ ساڈے بارے غلط خبراں تے جھوٹھیاں گلاں پھیلاندا اے نالے معلومات نُوں توڑ مروڑ کے پیش کردا اے۔ جدوں اَسی کسے اجنبی دی آواز سننے آں تے سانوں ایہدے توں دُور بھج جانا چاہی دا اے۔ جے اَسی اوہدی گل چ تھوڑی جہی وی دلچسپی لینے آں تے ایہہ ساڈے لئی بڑا خطرناک ہو سکدا اے۔ غور کرو کہ شیطان نے تھوڑی جہی گلبات دے ذریعے ای حوا نُوں گمراہ کر لیا سی۔ (پیدایش 3:1، 4، 5) پر جے کوئی ایہو جیہا بندہ یہوواہ دی تنظیم بارے غلط گلاں کرے جنہوں اَسی چنگی طرحاں جاننے آں تے جیہڑا سانوں پیار کردا اے تے فیر اَسی کیہہ کر سکنے آں؟
ویڈیو ”اجنبیاں دی آواز نہ سُنو“ چلاؤ۔ فیر حاضرین کولوں ایہہ سوال پچھو:
جدوں جینی دی ماں نے یہوواہ دی تنظیم بارے غلط گلاں کرن دی کوشش کیتی تے اوہنے ایس صورتحال دا کیویں سامنا کیتا تے تُسی ایہدے توں کیہہ سکھیا اے؟
8. کلیسیا دے طور تے بائبل دا مطالعیا
(30 منٹ) ”ایمان ظاہر کریں،“ (اردو)، باب نمبر 12، پیراگراف نمبر 1-12؛ سوال (پنجابی شاہ مکھی)
