• زبور 35:‏11‏—‏ایس ایت چ جیہڑی پیشین گوئی کیتی گئی اے، اوہدے مطابق یسوع مسیح دے زمانے چ کیہہ ہویا؟ (‏م11 1/‏8 ص.‏ 16 پ.‏ 9‏)‏

  باوج اڈاوت

• تُسی 34 تے 35 زبور وچوں کیہڑیاں سنہری گلاں سکھیاں نیں؟‏

  باوج اڈاوت

عبادتاں تے ساڈے کول یہوواہ دی وڈیائی کرن دے بڑے چنگے موقعے ہوندے نیں۔ اِنج کرن دے تِن طریقے ایہہ نیں:‏

گل‌بات کرنا:‏ دُوجیاں نال یہوواہ دی اچھائی بارے گل کرو۔ (‏زبور 145:‏1،‏ 7‏)‏ کیہہ تُسی کسے خاص نکتے بارے کوئی گل پڑھی یاں سنی اے جدے توں توانوں فائدہ ہویا اے؟ کیہہ توانوں مُنادی چ کوئی چنگا تجربہ ہویا اے؟ کیہہ کسے دِیاں گلاں یاں کماں توں توانوں حوصلہ مِلیا اے؟ کیہہ تُسی خدا دی بنائی ہوئی کسے چیز تے غور کرن نال حیران ہوئے او؟ ایہہ سب کجھ یہوواہ وَلّوں تحفہ اے۔ (‏یعقوب 1:‏17‏)‏ عبادتاں تے وقت توں پہلاں آؤ تاکہ تُسی دُوجیاں نال گل‌بات کر سکو۔‏

جواب دینا:‏ ہر عبادت تے گھٹو گھٹ اِک جواب دین دی کوشش ضرور کرو۔ (‏زبور 26:‏12‏)‏ تُسی پیراگراف نال دِتے گئے سوال دا جواب دے سکدے او۔ نالے تُسی کسے ہور نکتے، ایت یاں تصویر تے گل کر سکدے او یاں ایہہ دَس سکدے او کہ اَسی کسے نکتے تے کیویں عمل کر سکنے آں۔ عبادتاں تے دُوجے بھین بھرا وی ہتھ کھڑا کردے نیں، ایس لئی اِک توں زیادہ جواب تیار کرو تاکہ توانوں وی جواب دین دا موقع ملے۔ جے اَسی 30 سیکنڈ یاں ایس توں گھٹ وقت چ جواب دَواں گے تے اِنج زیادہ بھین بھرا خدا دے حضور حمد دِیاں قربانیاں پیش کر سکن گے۔—‏عبرانیوں 13:‏15‏۔‏

گیت گانا:‏ پورے جوش نال گیت گاؤ۔ (‏زبور 147:‏1‏)‏ ہو سکدا اے کہ توانوں ہر عبادت تے جواب دین دا موقع تے نہ ملے، خاص طور تے جے تُسی کسے وڈی کلیسیا چ او پر تُسی گیت گان چ حصہ ضرور لے سکدے او۔ شاید توانوں محسوس ہوئے کہ تواڈی آواز اینی چنگی نئیں اے پر فیر وی جدوں تُسی گیت گان دی پوری کوشش کردے او تے یہوواہ ایہدے توں بوہت خوش ہوندا اے۔ (‏2-‏کُرنتھیوں 8:‏12‏)‏ تُسی پہلاں توں ای گھر چ گیت گان دی مشق کر سکدے او۔‏

ویڈیو ‏”‏تریخ دِیاں راہواں تے تنظیم دا سفر—‏گیت اِک شاندار تحفہ، پہلا حصہ“‏ چلاؤ۔‏ فیر حاضرین کولوں ایہہ سوال پچھو:‏

ساڈی تنظیم دی تریخ توں ایہہ کیویں پتہ چلدا اے کہ یہوواہ دی حمد لئی گیت گانا بوہت اہم اے؟‏