ساڈی زندگی لئی ضروری گلاں
بھیناں یہوواہ دی ہور زیادہ خدمت کرن لئی کیہہ کر سکدیاں نیں؟
بھیناں خدا دی بادشاہی دے پیغام نُوں پھیلان لئی بڑی محنت کر دیاں نیں۔ (زبور 68:11) اوہ بوہت سارے لوکاں نُوں بائبل کورس کراندیاں نیں۔ پہلکاراں دے طور تے خدمت کرن والیاں چ بھیناں دی تعداد زیادہ اے۔ ہزاراں بھیناں فرق فرق کماں چ بڑی محنت کردیاں نیں جیویں کہ بیت ایل چ، تعمیر دے کم چ، ترجمے دے کم چ یاں فیر مشنری دے طور تے کم کردیاں نیں۔ ساڈیاں پُختہ مسیحی بھیناں اپنے گھر والیاں دے نال نال کلیسیا دے بھین بھراواں دا وی بڑا حوصلہ ودھاندیاں نیں۔ (امثال 14:1) بھانویں کہ بھیناں نُوں کلیسیا چ بزرگ تے خادماں دے طور تے مقرر نئیں کیتا جا سکدا پر فیر وی اوہ کلیسیا دے ہور کم آن لئی منصوبے بنا سکدیاں نیں۔ بھیناں، ہور کیہڑے طریقیاں نال یہوواہ دی خدمت کر سکدیاں نیں؟
-
اپنے اندر ایہو جہیاں خوبیاں پیدا کرو جیہڑیاں یہوواہ نُوں پسند نیں۔—1-تیمتھیس 3:11؛ 1-پطرس 3:3-6۔
-
کلیسیا چ نوِیاں آن والیاں بھیناں دی مدد کرو۔—طِطُس 2:3-5۔
-
مُنادی دے کم چ اپنیاں مہارتاں نُوں نکھارو تے ایہدے چ ہور زیادہ حصہ لوو۔
-
کوئی نوِیں زبان سکھو۔
-
اوہناں علاقیاں چ جاؤ جِتھے مبشراں دی زیادہ ضرورت اے۔
-
بیتایل چ خدمت کرن لئی یاں ساڈی تنظیم دِیاں عمارتاں نُوں بنان چ مدد کرن لئی درخاست دَوو۔
-
بادشاہی دے مُناداں لئی سکول چ جان لئی درخاست دَوو۔
ویڈیو ”مالک دی خدمت چ سخت محنت کرن والیاں عورتاں“ چلاؤ تے فیر ایس سوال دا جواب دَوو:
-
ویڈیو چ وکھائیاں گئیاں ایہناں بھیناں دے تبصریاں توں توانوں کیویں حوصلہ مِلدا اے؟
