ساڈی زندگی لئی ضروری گلاں
دیندے رہوو
یسوع مسیح نے کہیا سی کہ جے اَسی کُھلے دل نال دَواں گے تے سانوں اوسے حساب نال دِتا جائے گا۔ (لُوقا 6:38) جدوں اَسی بھین بھراواں نُوں کجھ نہ کجھ دیندے رہنے آں تے ایہدے توں اوہناں نُوں وی ہلاشیری ملے گی کہ اوہ وی دُوجیاں نُوں کُھلے دل نال دین۔
خوشی نال دینا ساڈی عبادت چ شامل اے۔ جدوں اَسی اپنے ضرورت مند بھین بھراواں دی کُھلے دل نال مدد کرنے آں تے یہوواہ ایس گل نُوں ویکھدا اے تے اوہ وعدہ کردا اے کہ اوہ سانوں ایہدا اجر ضرور دَوے گا۔—امثال 19:17۔
ویڈیو ”اَسی تواڈی مدد لئی دلوں شکرگزار آں“ نُوں ویکھو تے فیر ایہناں سوالاں دے جواب دَوو:
-
تواڈے عطیات نُوں بھین بھراواں دی مدد لئی کیویں ورتیا جاندا اے؟
-
بھانویں اَسی تھوڑا دَئیے یاں بوہتا پر ایہہ ضروری کیوں اے کہ اَسی دیندے رہیے؟—jw.org تے اُردو زبان چ مضمون ”ایک جگہ عطیات کی کثرت دوسری جگہ عطیات کی کمی کو پورا کرتی ہے“ نُوں ویکھو۔
