• اَمثال 11:‏17‏—‏دُوجیاں لئی مہربانی وکھان نال سانوں کیہہ فائدہ ہوندا اے؟ (‏جی20.‏01 ص.‏ 11 تے بکس‏)‏

  باوج اڈاوت

• تُسی ایس ہفتے دی بائبل پڑھائی چوں کیہڑیاں سنہری گلاں سکھیاں نیں؟‏

  باوج اڈاوت

عیب‌دار ہون دی وجہ توں اَسی اکثر غلط گلاں کہہ دینے آں۔ (‏یعقوب 3:‏8‏)‏ پر جے اَسی پہلاں توں سوچاں گے کہ بھیڑیاں گلاں کرن دا کیہہ نقصان ہوئے گا تے فیر اَسی ایہو جہیاں گلاں کرن توں بچاں گے جنہاں تے سانوں بعد چوں پچھتانا پووے۔ تھلے کجھ ایہو جہیاں گلاں بارے دَسیا گیا اے جنہاں توں کلیسیا دا اتحاد تباہ ہو سکدا اے:‏

• شیخی مارنا۔‏ ایہدا مطلب اے اپنی تعریف کرنا۔ ایس وجہ توں دُوجیاں دے دل چ حسد تے مقابلہ‌بازی پیدا ہو سکدی اے۔—‏اَمثال 27:‏2‏۔‏

• جھوٹھ بولنا۔‏ جان بجھ کے دُوجیاں نُوں غلط معلومات دینا وی جھوٹھ بولنا ای ہوندا اے۔ اِک چھوٹے جہے جھوٹھ دی وجہ توں وی کسے دا بھروسا ٹُٹ سکدا اے تے ساڈی نیک نامی خراب ہو سکدی اے۔—‏واعظ 10:‏1‏۔‏

• چغلیاں کرنا۔‏ ایہدا مطلب اے دُوجیاں بارے فضول گلاں کرنا تے اوہناں دے ذاتی معاملیاں بارے دُوجیاں نُوں دَسنا۔ (‏1-‏تیمُتھیُس 5:‏13‏)‏ ایہدی وجہ توں لڑائی جھگڑے تے اختلاف پیدا ہو سکدے نیں۔‏

• غصہ کرنا۔‏ ایہدا مطلب اے کسے ایہو جہے بندے نُوں بُرا بھلا کہنا جنہے ساڈا دل دُکھایا اے۔ (‏اِفسیوں 4:‏26‏)‏ ایہدی وجہ توں بوہت نقصان ہو سکدا اے۔—‏اَمثال 29:‏22‏۔‏

ایہہ ویڈیو چلاؤ:‏ ‏”‏صلح تے اِطمینان نُوں تباہ کرن والیاں گلاں توں باز رہوو“‏—‏حصہ۔‏ فیر حاضرین کولوں پچھو:‏

• ساڈیاں بھیڑیاں گلاں دی وجہ توں کلیسیا دا اتحاد کیویں خراب ہو سکدا اے؟‏

  باوج اڈاوت

ایہہ جانن لئی کہ صلح نُوں فیر توں قائم کرن لئی کیہہ کیتا گیا، ویڈیو ‏”‏صلح قائم رکھن دی کوشش چ رہوو‏“‏ نُوں ویکھو۔‏