اَسی ہر سال گھر گھر جا کے لوکاں نُوں مسیح دی موت دی یاد گیری تے آن دی دعوت دین لئی بڑی محنت کرنے آں۔‏ ایس دوران سانوں بوہت سارے نویں لوک مِلدے نیں۔‏ پر سانوں اوہناں لوکاں نُوں وی دعوت دینی چاہی دی اے جنہاں نُوں اَسی جاننے آں کیونکہ اکثر ایہو جہے لوک یادگیری تے آ جاندے نیں۔‏ (‏ایئربُک08 ص.‏ 11 پ.‏ 3؛‏ ص.‏ 14 پ.‏ 1)‏ تُسی اپنی جان پچھان والے کیہڑے لوکاں نُوں دعوت دے سکدے او؟‏

• رشتےداراں نُوں

• اپنے نال کم کرن والیاں یاں اپنے نال سکول چ پڑھن والیاں نُوں

• گوانڈھیاں نُوں

• واپسی ملاقاتاں نُوں یاں فیر اوہناں لوکاں نُوں جیہڑ‌ے بائبل کورس کر رہے نیں یاں کردے سن

ایہدے علاوہ،‏ کلیسیا دے بزرگ اوہناں لوکاں دی اِک فہرست بنا سکدے نیں جیہڑ‌ے روحانی طور تے ٹھنڈے پے گئے نیں۔‏ جے تواڈے جان پچھان والے تواڈے علاقے چ نئیں رہندے تے فیر تُسی کیہہ کر سکدے او؟‏ تُسی ساڈی ویب‌سائٹ jw.org تے جا کے حصہ ”‏ساڈے بارے معلومات“‏ تے کلک کرو۔‏ فیر حصہ ”‏یادگیری‏“‏ کھولو تے ویکھو کہ اوہناں دے گھر دے نیڑے یادگیری دی عبادت کتھے ہوئے گی تے ایہدا وقت کیہہ ہوئے گا۔‏ سوچو کہ ایس سال مسیح دی موت دی یادگیری دی عبادت لئی تُسی کنہاں نُوں دعوت دے سکدے او تے فیر اوہناں نُوں دعوت دَوو۔‏