سن 2018 توں ساڈے رسالیاں دے عوامی شماریاں چ صرف اِک موضوع تے گل کیتی جا رہی اے۔‏ عوامی شمارے ساڈے تلیم دین دے اوزاراں دا حصہ نیں تاکہ اَسی ایہناں نُوں مُنادی چ استمال کر سکئے۔‏ اَسی کجھ رسالے اپنے نال رکھ سکنے آں تاکہ سفر یاں خریداری کردے ویلے اَسی ایہناں دے ذریعے گواہی دے سکئے۔‏ ایہہ رسالے بائبل کورس کران لئی تے تیار نئیں کیتے جاندے پر ایہناں نُوں پڑھن نال لوکاں دے دل چ خدا بارے سکھن دا شوق ضرور پیدا ہو سکدا اے۔‏

کسے بندے نال گل بات شروع کرن توں بعد اوہنوں اِک ایت وکھاؤ تے کوئی ایہو جیہا رسالہ پیش کرو جدے موضوع چ اوہ دلچسپی رکھدا ہووے۔‏ مثال لئی،‏ جے اوہدے بیوی بچے نیں یاں اوہدا کوئی عزیز فوت ہو گیا اے یاں اوہنوں کوئی پریشانی اے تے تُسی اوہنوں ایہہ کہہ سکدے او:‏ ”‏مَیں کجھ دن پہلاں ایس گل بارے بڑا ودھیا مضمون پڑھیا اے،‏ کیہہ مَیں توانوں اوہ وکھا سکنا واں؟‏“‏ جے اوہ بندہ دلچسپی وکھاندا اے تے تُسی اوہنوں پہلی ملاقات تے ای رسالے دی اِک کاپی دے سکدے او یاں فیر فون دے ذریعے گھل سکدے او۔‏ ساڈا مقصد صرف رسالے دینا نئیں اے سگوں ایہناں دے ذریعے اوہناں لوکاں نُوں لبھنا اے جیہڑ‌ے خدا دی مرضی دے مطابق زندگی گزارنا چاہندے نیں۔‏—‏اعمال 13:‏48‏۔‏