ایہہ مہارت ضروری کیوں اے؟‏ خوش‌خبری دی چنگی طرحاں مُنادی کرن دا اِک اہم طریقہ ٹیلی‌فون دے ذریعے گواہی دینا اے۔‏ (‏اعمال 20:‏24‏)‏ * ایہدے ذریعے اَسی اوہناں لوکاں نُوں وی گواہی دے سکنے آں جنہاں نُوں اَسی کسے وجہ توں ذاتی طور تے مِل نئیں سکدے۔‏

تُسی کیہہ کر سکدے او؟‏

• تیاری کرو۔‏کوئی مناسب موضوع چُنو۔‏ جو کجھ تُسی کہنا چاہندے او،‏ اوہدے کجھ خاص نکتے لکھ لوو۔‏ اِک چھوٹا جیہا پیغام وی تیار کرو تاکہ جے اَگوں ریکارڈنگ چل پوے تے تُسی کال کرن دا مقصد دَس سکو۔‏ چنگا ہوئے گا کہ فون کرن توں پہلاں تُسی اپنی ضرورت دِیاں شیواں اپنے سامنے میز تے رکھ لوو جیویں کہ پیغام والا صفحہ،‏ موبائل یاں ٹیبلٹ وغیرہ جدے تے جےڈبلیو لائبریری یاں jw.org پہلے توں کُھلی ہووے۔‏

• گھبراؤ نہ۔‏ جیویں تُسی عام طور تے گل کردے او،‏ فون تے وی اونویں ای گل کرو۔‏ گل کردے ویلے ایس طرحاں مسکراؤ تے اِشارے کرو جیویں اوہ بندہ توانوں ویکھ رہیا اے۔‏ گل کردے ویلے بلا وجہ رُکو نہ۔‏ چنگا ہوئے گا کہ تُسی کسے بھین یاں بھرا نال مل کے فون کرو۔‏ جے اگلا بندہ تواڈے کولوں کوئی سوال پچھ لوے تے اوہنوں اُچی آواز چ دہراؤ تاکہ تواڈے نال کم کرن والی بھین یاں بھرا جواب لبھن چ تواڈی مدد کر سکے۔‏

• واپسی ملاقات دی بنیاد رکھو۔‏ جے کوئی دلچسپی وکھاندا اے تے آخر چ اِک سوال پچھو جدا جواب تُسی اوہنوں اگلی واری فون تے دَوو گے۔‏تُسی دلچسپی وکھان والے نُوں ایہہ وی کہہ سکدے او کہ جے اوہ چاہوے تے تُسی اوہنوں ساڈی کوئی کتاب یاں رسالہ ای‌میل کر سکدے او،‏ اوہدے گھر پونچا سکدے او یاں ڈاک دے ذریعے اوہنوں گھل سکدے او۔‏ یاں فیر اوہنوں میسج یاں ای‌میل دے ذریعے ساڈی کوئی ویڈیو یاں مضمون گھل سکدے او۔‏