8:‏6-‏9،‏ 12؛‏ 9:‏1-‏5،‏ 23،‏ 24

جدوں ہارون تے اوہدے پُتراں نے کاہن بنن توں بعد پہلی وار یہوواہ دے حضور قربانی پیش کیتی تے اسمان توں اَگ نازل ہوئی جنہے اوس قربانی نُوں بھسم کر دِتا۔‏ ایہدے توں ظاہر ہویا کہ یہوواہ اوہناں دے کاہن بنن توں خوش اے۔‏اِنج یہوواہ نے اوتھے جمع اِسرائیلیاں تے وی ظاہر کیتا کہ اوہ ایہناں کاہناں دی حمایت کرن۔‏ اَج یہوواہ خدا،‏ یسوع مسیح نُوں وڈے کاہن دے طور تے استمال کر رہیا اے۔‏ (‏عبرانیوں 9:‏11،‏ 12‏)‏ 1919 چ،‏ یسوع مسیح نے پاک روح نال مسح کیتے ہوئے مسیحیاں دے اِک چھوٹے جہے گروہ نُوں ”‏وفادار تے سمجھ‌دار غلام“‏ دے طور تے مقرر کیتا۔‏ (‏متی 24:‏45‏)‏ ایس گل دے کیہہ ثبوت نیں کہ یہوواہ ایس وفادار غلام توں خوش اے،‏ ایہنوں برکت دے رہیا اے تے ایہدی حمایت کر رہیا اے؟‏

• بوہت زیادہ مخالفت دے باوجود وی وفادار غلام سانوں لگاتار روحانی خوراک دے رہیا اے۔‏

• بائبل دی پیشین‌گوئی دے مطابق خوش‌خبری دی مُنادی ساری دُنیا چ ہو رہی اے۔‏—‏متی 24:‏14‏۔‏

اَسی پورے دل نال وفادار تے سمجھدار غلام دی حمایت کیویں کر سکنے آں؟‏