ساڈا ”‏خوش‌دل خدا“‏ یہوواہ چاہندا اے کہ سانوں مُنادی دے کم توں خوشی ملے۔‏ (‏1-‏تیمُتھیُس 1:‏11‏)‏ مُنادی دے کم چ اپنیاں مہارتاں نُوں نکھارن نال ساڈی خوشی ہور ودھ جائے گی۔‏ جدوں اَسی مُنادی چ لوکاں کولوں سوال پچھنے آں تے اوہناں دی دلچسپی ودھدی اے تے اِنج اوہناں نال گل بات شروع کرنا اسان ہو جاندا اے۔‏ سوالاں دے ذریعے اَسی لوکاں دی مدد کر سکنے آں کہ اوہ کسے موضوع بارے سوچن تے صحی نتیجے تے پونچن۔‏ (‏متی 22:‏41-‏45‏)‏ جدوں اَسی کسے کولوں سوال پچھنے آں تے اوہدا جواب دھیان نال سننے آں تے اَسی ظاہر کرنے آں کہ اَسی اوہدی گل دی قدر کرنے آں۔‏ (‏یعقوب1:‏19)‏ اوس بندے دے جواب توں سانوں پتہ چلدا اے کہ اَسی اوہدے نال گل بات کیویں جاری رکھنی اے۔‏

ویڈیو ‏”‏شاگرد بناندے ویلے خوشی حاصل کرو—‏اپنیاں مہارتاں نُوں نکھارو—‏سوال پچھو‏“‏ ویکھو تے فیر ایہناں سوالاں دے جواب دَوو:‏

• جینی نے کیہڑیاں خوبیاں ظاہر کیتیاں سن؟‏

• نیتا نے سوالاں دے ذریعے جینی چ دلچسپی کیویں وکھائی؟‏

• نیتا نے کیس طرحاں دے سوال پچھے تاکہ جینی دے دل چ سچائی نُوں جانن دا شوق پیدا ہووے؟‏

• نیتا نے کیس طرحاں دے سوال پچھے تاکہ جینی سوچ‌وچار کرے تے آپ صحی نتیجے تے پونچے؟‏