موآب دے میداناں چ بنی‌اِسرائیل نال جو کجھ ہویا،‏ اوہدے توں مسیحی بوہت خاص سبق سکھ سکدے نیں۔‏ (‏1-‏کُرنتھیوں 10:‏6،‏ 8،‏ 11‏)‏ موآبی عورتاں بوہت ای بدکار تے بُت‌پرست سن۔‏ ایسے لئے جیہڑ‌ے اِسرائیلی مرداں نے اوہناں عورتاں نال میل جول ودھایا،‏ اوہ وی وڈی بدکاری چ پے گئے۔‏ اوہناں دی ایس حرکت دا بوہت ای بھیڑا انجام ہویا۔‏ (‏گنتی 25:‏9‏)‏ اَج اَسی وی جیہڑ‌ے لوکاں چ رہنے آں،‏ اوہناں وچوں بوہت سارے یہوواہ دی عبادت نئیں کردے جیویں کہ ساڈے نال کم کرن والے،‏ ساڈے نال سکول چ پڑھن والے،‏ ساڈے گوانڈھی،‏ رشتےدار یاں فیر دُوجے جان‌پچھان والے۔‏ موآب دے میداناں چ ہون والے واقعے توں اَسی اوہناں لوکاں نال دوستی کرن بارے کیہہ سکھنے آں جیہڑ‌ے یہوواہ دی عبادت نئیں کردے؟‏

ویڈیو ‏”‏ساڈے لئی عبرت والیاں مثالاں—‏حصہ‏“‏ ویکھو تے فیر ایہناں سوالاں دے جواب دَوو:‏

• زمری تے اوہدے دوستاں نے یمین دے سامنے کیہڑیاں غلط گلاں کیتیاں؟‏

• فینحاس نے یمین دی مدد کیویں کیتی تاکہ اوہ اپنی سوچ نُوں صحی رکھ سکے؟‏

• کسے غیرایمان والے بندے نال دوستی کرن یاں اوہدے نال بس چنگی طرحاں مِلن چ کیہہ فرق اے؟‏

• سانوں اوہناں لوکاں نال دوستی کردے ویلے وی احتیاط کیوں کرنی چاہی دی اے جیہڑ‌ے ساڈی کلیسیا چ نیں؟‏

• سانوں انٹرنیٹ دے ذریعے گپ‌شپ لئی اوہناں لوکاں دے گروپاں چ شامل کیوں نئیں ہونا چاہی دا جنہاں نُوں اَسی جان دے نئیں؟‏