ساڈی زندگی لئی ضروری گلاں
یہوواہ دی خدمت کرن دا فیصلہ کرو
جے تُسی اِک غیربپتسمہیافتہ مبشر او یاں فیر حالے صرف بائبل کورس کر رہے او تے کیہہ تُسی بپتسمہ لینا چاہندے او؟ توانوں بپتسمہ کیوں لینا چاہی دا اے؟ اپنی زندگی یہوواہ دے ناں کر کے تے بپتسمہ لے کے اَسی یہوواہ دے دوست بن جانے آں۔ (زبور 91:1) نالے سانوں نجات پان دی امید وی مِل جاندی اے۔ (1-پطرس 3:21) تُسی اپنی زندگی یہوواہ دے ناں کرن تے بپتسمہ لین لئی کیہہ کر سکدے او؟
سب توں پہلے ایس گل تے پکا یقین رکھو کہ جیہڑی تلیم تُسی حاصل کر رہے او، اوہ بالکل سچی اے۔ جے تواڈے ذہن چ کوئی سوال پیدا ہو جائے تے اوہدا جواب لبھن دی پوری کوشش کرو۔ (رومیوں 12:2) جے توانوں اپنی زندگی چ کجھ تبدیلیاں کرن دی لوڑ محسوس ہووے تے ضرور کرو تاکہ تُسی یہوواہ نُوں خوش کر سکو۔ (امثال 27:11؛ اِفسیوں 4:23، 24) مدد لئی ہمیشاں یہوواہ کولوں دُعا کرو۔ ایس گل تے یقین رکھو کہ یہوواہ اپنی پاک روح دے ذریعے توانوں حوصلہ تے طاقت بخشے گا۔ (1-پطرس 5:10، 11) تواڈی کوشش بےکار ثابت نئیں ہوئے گی۔ ایہہ گل یاد رکھو کہ یہوواہ دی خدمت کرن نال جیہڑی خوشی مِلدی اے اوہ کسے ہور کم توں نئیں مِلدی۔—زبور 16:11۔
ویڈیو ”بپتسمے دی منزل تک پونچن لئی ضروری قدم“ ویکھو تے فیر ایہناں سوالاں دے جواب دَوو:
-
کجھ لوکاں نُوں بپتسمے دی منزل تک پونچن لئی کیہڑیاں رُکاوٹاں نُوں پار کرنا پیا؟
-
تُسی بپتسمہ لین دا فیصلہ کرن لئی اپنا ایمان کیویں مضبوط کر سکدے او؟
-
کجھ لوکاں نے اوہ قدم کیوں چُکے جیہڑے بپتسمہ پان لئی ضروری نیں؟
-
اوہناں لوکاں نُوں کیہڑیاں برکتاں مِلدیاں نیں جیہڑے یہوواہ دی خدمت کرن دا فیصلہ کردے نیں؟
-
اپنی زندگی یہوواہ دے ناں کرن تے بپتسمہ لین دا کیہہ مطلب اے؟
