ساڈی زندگی لئی ضروری گلاں
اَسی ہر طرحاں دے لوکاں نُوں گواہی دین لئی منظم آں
جیس طرحاں یہوواہ نے اسرائیلیاں نُوں منظم طریقے نال عبادت کرن بارے ہدیتاں دِتیاں اوسے طرحاں اوہ اَج وی اپنے لوکاں نُوں ہدیتاں دے رہیا اے تاکہ اوہ وی منظم طریقے نال اوہدی خدمت کر سکن۔ پوری دُنیا چ ساڈیاں برانچاں، سرکٹ، کلیسیاواں تے مُنادی دے گروپ مِل کے کم کردے نیں تاکہ بادشاہی دی خوشخبری زیادہ توں زیادہ لوکاں تک پونچے۔ اَسی ہر طرحاں دے لوکاں نُوں گواہی دینے آں بھانویں اوہ ساڈے توں کوئی فرق زبان ای کیوں نہ بولدے ہون۔—مکاشفہ 14:6، 7۔
کیہہ تُسی کدی دُوجیاں نُوں سچائی سکھان لئی اوہناں دی زبان سکھن بارے سوچیا اے؟ جے تواڈے کول کوئی نوِیں زبان سکھن دا وقت نئیں تے تُسی ”جےڈبلیو لینگوئج“ ایپ دے ذریعے اوس زبان چ مُنادی لئی اِک چھوٹا تے سادہ جیہا پیغام تیار کر سکدے او۔ جدوں تُسی ایہہ پیغام لوکاں نُوں سناؤ گے تے توانوں اوہی خوشی ملے گی جیہڑی پہلی صدی دے مسیحیاں نُوں ملی سی۔ اوس ویلے اوہناں نے وی فرق فرق زباناں بولن والے لوکاں نُوں خوشخبری سنائی سی تے لوک اپنی زبان چ خدا دے شاندار کماں بارے سُن کے بوہت خوش ہوئے سن۔—اعمال 2:7-11۔
ویڈیو ”یہوواہ دے دوست بنو—کسے ہور زبان چ مُنادی کرو“ ویکھو تے فیر ایہناں سوالاں دے جواب دَوو:
-
تُسی ”جےڈبلیو لینگوئج“ ایپ کدوں استمال کر سکدے او؟
-
ایس ایپ چ کیہہ کجھ اے؟
-
ہر زبان دے لوکاں نُوں خوشخبری سنن دی لوڑ اے۔
تواڈے علاقے چ لوک کیہڑی کیہڑی زبان بولدے نیں؟
-
جدوں کوئی فرق زبان بولن والا بندہ بادشاہی دے پیغام چ دلچسپی لیندا اے تے توانوں کیہہ کرنا چاہی دا اے؟—اوڈی ص. 100، 101 پ. 39-41۔
