ساڈی زندگی لئی ضروری گلاں
اپنے شادی دے بندھن دی حفاظت کرو
اِک جوڑا شادی والے دن اِک دُوجے نال جیہڑے وعدے کردا اے اوہ یہوواہ دی نظر چ بوہت اہم ہوندے نیں۔ اوہنے کہیا سی کہ میاں بیوی اِک دُوجے توں وکھ نہ ہون۔ (متی 19:5، 6) یہوواہ دے بوہت سارے بندیاں دی شادیشُدہ زندگی بڑی چنگی گزر رہی اے۔ ایہدے چ کوئی شک نئیں کہ ہر جوڑے نُوں اپنی شادیشُدہ زندگی چ کجھ مسئلیاں دا سامنا تے ہوندا ای اے۔ پر سانوں کدی وی دُنیا دے لوکاں وانگوں ایہہ نئیں سوچنا چاہی دا کہ ایہناں مسئلیاں دا حل اِک دُوجے توں وکھ ہو جانا یاں طلاق لینا ای اے۔ میاں بیوی اپنے شادی دے بندھن دی حفاظت کیویں کر سکدے نیں؟
ایس بارے ایہناں پنج گلاں تے غور کرو۔
-
اپنے دل دی حفاظت کرو۔ ایہدے لئی ضروری اے کہ تُسی عشقبازی تے ایہو جہی تفریح کرن توں بچو جدے چ گندے گانے، فلماں تے تصویراں وغیرہ شامل نیں کیونکہ ایہناں دی وجہ توں تواڈا شادی دا بندھن کمزور ہو سکدا اے۔—متی 5:28؛ 2-پطرس 2:14۔
-
یہوواہ خدا نال اپنی دوستی نُوں مضبوط کرو تے اپنے دل چ ایس خواہش نُوں ودھاؤ کہ تُسی اپنی شادیشُدہ زندگی چ کوئی ایہو جیہا کم نئیں کرو گے جدے توں یہوواہ نُوں دُکھ پونچے۔—زبور 97:10۔
-
اپنے آپ نُوں یہوواہ دے معیاراں مطابق ڈھالدے رہوو تے چھوٹے چھوٹے کماں دے ذریعے اِک دُوجے لئی پیار تے مہربانی وکھاندے رہوو۔—کُلسّیوں 3:8-10، 12-14۔
-
اِک دُوجے دی عزت کرو تے آپس چ ایہو جہی گل بات کرو جدے توں توانوں دونواں نُوں فائدہ ہووے۔—کُلسّیوں 4:6۔
-
پیار تے محبت نال اپنے جیون ساتھی دا حق ادا کرو۔—1-کُرنتھیوں 7:3، 4؛ 10:24۔
جدوں مسیحی اپنے شادی دے بندھن لئی عزت ظاہر کردے نیں تے اوہ اصل چ یہوواہ خدا لئی عزت ظاہر کر دے نیں جنہے ایس بندھن نُوں شروع کیتا اے۔
ویڈیو ”ثابتقدمی نال دوڑ دے رہوو—کھیڈ دے اصولاں تے عمل کرو“ ویکھو تے فیر ایہناں سوالاں دے جواب دَوو:
-
ہوسکدا اے کہ شادی دے شروع چ سب ٹھیک ہووے پر بعد چ میاں بیوی نُوں کیہڑے مسئلیاں دا سامنا ہو سکدا اے؟
-
بائبل دے اصول اوہناں ویائے ورے جوڑیاں دے کم کیویں آ سکدے نیں جیہڑے اپنی شادیشُدہ زندگی توں خوش نئیں؟
-
اپنی شادیشُدہ زندگی نُوں خوشگوار بنان لئی بائبل دے اصولاں تے عمل کرو۔
یہوواہ نے شادی دے بندھن لئی کیہڑے اصول بنائے نیں؟
-
جے میاں بیوی چاہندے نیں کہ اوہناں دی شادیشُدہ زندگی کامیاب ہووے تے اوہناں نُوں کیہہ کرنا چاہی دا اے؟
