ساڈی زندگی لئی ضروری گلاں
خدا تے یسوع مستقبل چ سانوں مشکلاں توں آزادی دین گے
توانوں ہر روز کیہڑیاں مشکلاں دا سامنا کرنا پیندا اے؟ کیہہ تُسی اپنے گھرانے دے سربراہ او تے توانوں اپنے گھر والیاں دِیاں لوڑاں پوریاں کرن لئی بوہت بھج دوڑ کرنی پے رہی اے؟ کیہہ تُسی اِک کلی ماں او، یاں اِک کلّے پیو او تے اپنے بچیاں دا پیٹ پالن لئی سخت محنت کر رہے او؟ کیہہ تُسی اِک نوجوان او تے توانوں سکول چ اپنے ساتھیاں وَلّوں دباؤ دا سامنا کرنا پے رہیا اے؟ کیہہ تُسی بیمار ی یاں فیر بڑھاپے دی وجہ توں مشکلاں دا سامنا کر رہے او؟ ہر کوئی کسے نہ کسے مسئلے چوں لنگھ رہیا اے۔ ساڈے بوہت سارے بھین بھراواں نُوں اِک وقت چ کئی مسئلیاں دا سامنا کرنا پے رہیا اے۔ پر اَسی جاننے آں کہ یہوواہ خدا سانوں بوہت چھیتی ایہناں سارے مسئلیاں توں آزاد کرے گا۔—2-کُرنتھیوں 4:16-18۔
جدوں تک ایہہ مسئلے ختم نئیں ہو جاندے اوہدوں تک اَسی ایس گل توں تسلی پا سکنے آں کہ یہوواہ ساڈیاں مشکلاں نُوں سمجھدا اے تے ساڈی وفاداری تے صبر دی قدر کردا اے۔ نالے اوہنے سانوں بوہت ساریاں برکتاں دین دا وعدہ وی کیتا اے۔ (یرمیاہ 29:11، 12) یسوع مسیح وی ساڈیاں مشکلاں توں واقف اے۔ اَسی یقین رکھ سکنے آں کہ اوہ ساڈے نال اے۔ (متی 28:20) جدوں اَسی خدا دی بادشاہی چ مِلن والی آزادی بارے سوچنے آں تے ساڈی امید تے ساڈا عزم ہور مضبوط ہوندا اے تے اَسی ثابت قدمی نال مشکلاں نُوں برداشت کر ن دے قابل ہنے آں۔—رومیوں 8:19-21۔
ویڈیو ”طوفان آ رہیا اے اپنا دھیان یسوع مسیح تے لائی رکھو—شاندار مستقبل دی جھلک“ ویکھو تے فیر ایہناں سوالاں دے جواب دَوو:
-
انسان خدا توں دُور کیویں ہو گئے تے ایہدا کیہہ نتیجہ نکلیا؟
-
مستقبل چ یہوواہ دے بندیاں نُوں کیہڑیاں برکتاں مِلن گیاں؟
-
اَسی ایس شاندار مستقبل دی امید کیوں رکھ سکنے آں؟
-
تُسی نوِیں دُنیا چ کیہڑیاں برکتاں پان دا اِنتظار کر رہے او؟
تصور کرو کہ تُسی نوِیں دُنیا چ او۔
