ساڈی زندگی لئی ضروری گلاں
ماپیو، اپنے بچیاں نُوں سکھاؤ کہ اوہ جنسی چھیڑچھاڑ توں بچن لئی تیار رہن
اَسی ایہو جہی دُنیا چ رہ رہے آں جیہڑی نیکی نُوں بدی تے بدی نُوں نیکی کہندی اے۔ (یسعیاہ 5:20) افسوس دی گل ایہہ اے کہ کجھ لوک ایہو جہے کم کردے نیں جنہاں توں یہوواہ نُوں نفرت اے جیویں کہ بندے دا بندے نال تے عورت دا عورت نال جنسی تعلق رکھنا۔ شاید ساڈے بچیاں دے دوست یاں اوہناں دے ہمجماعت اوہناں نُوں اوہی بھیڑے کم کرن دی ہلاشیری دین جیہڑے اوہ آپ کردے نیں۔ تُسی اپنے بچیاں دی تربیت کیویں کر سکدے او تاکہ اوہ ایہو جہیاں ازمیشاں دا مقابلہ کرن لئی تیار رہن؟
اپنے بچیاں نُوں یہوواہ دے معیاراں بارے سکھاؤ۔ (احبار 18:3) اوہناں دی عمر دے حساب نال اوہناں نُوں دَسو کہ بائبل جنسی معاملیاں بارے کیہہ کہندی اے۔ (اِستثنا 6:7) اپنے آپ کولوں پچھو: کیہہ مَیں اپنے بچیاں نُوں سکھایا اے کہ صحی تے غلط قسم دے لاڈپیار چ کیہہ فرق ہوندا اے؟ کیہہ مَیں اوہناں نُوں سکھایا اے کہ اوہناں نُوں حیادار کپڑے پانے چاہی دے نیں؟ نالے ایہہ کہ دُوجیاں نُوں اوہناں دے جسم تے ایدھر اودھر ہتھ نئیں لانا چاہی دا؟ کیہہ میرے بچیاں نُوں پتہ اے کہ جدوں کوئی اوہناں نُوں گندیاں تصویراں یاں ویڈیوز وکھاندا اے یاں کوئی غلط کم کرن لئی مجبور کردا اے تے اوہدوں اوہناں نُوں کیہہ کرنا چاہی دا اے؟ بچیاں نُوں ایہہ گلاں پہلاں توں ای دَسنا ضروری اے تاکہ اوہ نقصان توں بچ سکن۔ (امثال 27:12؛ واعظ 7:12) بچے یہوواہ وَلّوں میراث نیں۔ ایس لئی اوہناں نُوں جنسی چھیڑچھاڑ توں بچنا سکھاؤ۔ اِنج تُسی ایس میراث لئی قدر ظاہر کرو گے۔—زبور 127:3۔
ویڈیو ”اِ نج دا گھر بناؤ جیہڑا قائم رہوے—اپنے بچیاں نُوں خطریاں توں بچاؤ“ ویکھو تے فیر ایہناں سوالاں دے جواب دَوو:
-
کجھ ماں پیو نُوں اپنے بچیاں نال جنسی معاملیاں بارے گل کرنا اوکھا کیوں لگدا اے؟
-
ایہہ کیوں ضروری اے کہ ماں پیو یہوواہ وَلّوں بچیاں دی تربیت تے رہنمائی کرن؟—اِفسیوں 6:4۔
-
جے تُسی اپنے بچیاں نُوں جنسی چھیڑچھاڑ توں بچنا سکھاؤ گے تے اوہ محفوظ رہن گے۔
یہوواہ دی تنظیم نے ماں پیو نُوں کیہڑیاں سہولتاں دِتیاں نیں تاکہ اوہ بچیاں نُوں جنسی معاملیاں بارے صحی نظریہ سکھا سکن؟—م19.05 ص. 12 تے بکس۔
-
ایس توں پہلاں کہ بچے کسے مشکل دا شکار ہون، ماں پیو نُوں اوہناں نال ہر روز گل بات کیوں کرنی چاہی دی اے؟
