یعقوب نے اِک بوہت ای ضروری شے پاؤن لئی اِک فرشتے نال کشُتی لڑی۔‏ اوہ شے سی یہوواہ دی برکت۔‏ (‏پیدایش 32:‏24-‏31؛‏ ہوسیع 12:‏3،‏ 4‏)‏ کیہہ اَسی وی یعقوب ورگا جذبہ رکھنے آں؟‏ کیہہ اَسی یہوواہ دا کہنا منن تے اوہدے کولوں برکت پاؤن لئی جی‌توڑ کوشش کرنے آں؟‏ مثال لئی جے سانوں فیصلہ کرنا پووے کہ اَسی عبادت تے جانواں گے یاں اوور ٹائم کراں گے تے اَسی کیس گل نُوں اہمیت دواں گے؟‏ جے اَسی یہوواہ خدا دی خدمت لئی اپنا وقت،‏ طاقت،‏ ایتھوں تک کہ اپنا سب کجھ قربان کرن لئی تیار ہنے آں تے فیر اوہ سانوں ساڈی سوچ توں وی ودھ کے برکتاں دیندا اے۔‏ (‏ملاکی 3:‏10‏)‏ اوہ ساڈی حفاظت تے رہنمائی کرے گا تے ساڈیاں لوڑاں نُوں پورا کرے گا۔‏—‏متی 6:‏33؛‏ عبرانیوں 13:‏5‏۔‏

ویڈیو ‏”‏اپنا پورا دھیان خدا دی خدمت تے رکھو‏“‏ ویکھو تے فیر ایہناں سوالاں دے جواب دَوو:‏

• ساڈی بھین دا اوس چیز دی وجہ توں اِمتحان کیویں ہویا جیہڑ‌ی اوہنوں بوہت پسند سی؟‏

• ساڈی نوکری ساڈے لئی ازمیش کیویں بن سکدی اے؟‏

• تیمُتھیُس نُوں روحانی طور تے مضبوط ہون دے بعد وی یہوواہ دی ہور زیادہ خدمت کرن لئی منصوبے بنان دی لوڑ کیوں سی؟‏—‏1-‏تیمُتھیُس 4:‏16‏۔‏

• اَسی ایہہ کیویں ظاہر کر سکنے آں کہ ساڈی زندگی چ سب توں ضروری کم کیہڑا اے؟‏