جنوری 2018 توں ‏”‏ساڈی مسیحی زندگی تے خدمت—‏عبادت لئی قاعدہ“‏ دے پہلے صفحے تے گل بات لئی مشورے دِتے جا رہے نیں۔‏ اَسی ایہناں نُوں کیویں استمال کر سکنے آں؟‏

‏”‏شاگرد بناؤن لئی تربیت“‏ دے حصے پیش کردے ویلے:‏ توانوں گل بات لئی مشورے چ دِتا گیا سوال،‏ ایت تے اگلی ملاقات لئی دِتا گیا سوال استمال کر نا چاہی دا اے۔‏ پر ایہدا ایہہ مطلب نئیں کہ اَسی اوہی لفظ استمال کرئیے جیہڑ‌ے گل بات لئی مشورے دی ویڈیو چ استمال ہوئے نیں۔‏ تُسی فرق فرق صورتحال چُن سکدے او،‏ فرق فرق تعارف تے طریقیاں نال ایت دی وضاحت کر سکد ے او۔‏ تُسی اپنے حصے چ تلیم دین دے اوزاراں وچوں کوئی کتاب یاں رسالہ پیش کر سکدے او بھانویں کہ ہدیتاں چ ایہنوں پیش کرن لئی نہ وی کہیا گیا ہووے۔‏

مُنادی کردے ویلے:‏ گل بات لئی مشورے ایس لئی تیار کیتے جاندے نیں تاکہ اَسی اثردار طریقے نال مُنادی کر سکئے۔‏ جے کوئی دلچسپی وکھاندا اے تے ہور جاننا چاہندا اے تے تُسی پہلی ملاقات تے ای اگلی ملاقات لئی دِتے گئے مشورے نُوں استمال کردے ہوئیاں گل بات جاری رکھ سکدے او۔‏ تُسی گل بات لئی مشورے چ کجھ تبدیلی کر سکدے او یاں فیر ایہدے توں بالکل فرق موضوع چُن سکدے او۔‏ کیہہ تواڈے علاقے چ لوک کسے ایہو جہے موضوع چ دلچسپی رکھدے نیں جدے بارے پہلاں مشورہ دِتا گیا سی یاں فیر کسے ہور ایت دا اوہناں تے گُوڑھا اثر ہو سکدا اے؟‏ کیہہ تواڈے علاقے دے لوک کسے تازہ خبر یاں واقعے چ دلچسپی رکھدے نیں؟‏ بھانویں اَسی گل بات لئی مشوریاں نُوں جیس طرحاں وی استمال کریئے ساڈا مقصد ایہہ ہونا چاہی دا اے کہ اَسی دُوجیاں نُوں خوش‌خبری سنان دی خاطر سب کجھ کر ن لئی تیار رہیے۔‏—‏1-‏کُرنتھیوں 9:‏22،‏ 23‏۔‏