ساڈی زندگی لئی ضروری گلاں
ماپیو—اپنے بچیاں نُوں سکھاؤ کہ اوہ یہوواہ نُوں خوش کیویں کر سکدے نیں
یہوواہ بچیاں دی بوہت قدر کردا اے۔ اوہ ایس گل تے دھیان دیندا اے کہ بچے اوہدے نال اپنی دوستی نُوں مضبوط کرن لئی کیہہ کجھ کر رہے نیں۔ نالے اوہ ہر مشکل چ یہوواہ دے وفادار رہن دی کوشش کیویں کر رہے نیں۔ (1-سموئیل 2:26؛ لُوقا 2:52) بچے چھوٹی عمر توں ای اپنے چنگے کماں توں یہوواہ دے دل نُوں خوش کر سکدے نیں۔ (امثال 27:11) یہوواہ نے اپنی تنظیم دے ذریعے ایہو جہیاں بوہت ساریاں سہولتاں دِتیاں نیں جنہاں دی مدد نال ماں پیو اپنے بچیاں نُوں یہوواہ نال محبت کرنا تے اوہدی فرمانبرداری کرنا سکھا سکدے نیں۔
ویڈیو ”بچیو—یہوواہ تواڈی ثابتقدمی توں خوش ہوندا اے“ نُوں ویکھو تے فیر ایہناں سوالاں دے جواب دَوو:
-
یہوواہ نے پچھلے کجھ سالاں دے دوران بچیاں دی مدد تے رہنمائی لئی کیہڑیاں کیہڑیاں چیزاں دِتیاں نیں؟
-
ماں پیو دی مدد کرن لئی اَج کل کیہڑیاں سہولتاں موجود نیں؟
-
جے تُسی اِک بچے او تے دَسو کہ توانوں یہوواہ وَلّوں مِلن والی کیہڑی مدد توں فائدہ ہویا اے تے کیوں؟
