نکتہ نمبر 1
اثردار تعارف بناؤ
اعمال 17:22
خلاصہ: تواڈا تعارف ایہو جیہا ہونا چاہی دا اے کہ لوک ایہنوں سُن دے ای ایہدے چ کھب جان، اوہناں نُوں پتہ لگ جائے کہ تُسی کیس موضوع تے گل کرن والے او تے اوہناں نُوں ایس موضوع چ دلچسپی کیوں لینی چاہی دی اے۔
تُسی کیہہ کر سکدے او؟
-
دھیان کھچن لئی کجھ کہوو۔ شروع چ کوئی ایہو جیہا سوال پچھو، کوئی گل کہوو، واقعہ دَسو یاں خبر سناؤ جدے نال سنن والیاں دا دھیان فوراً تواڈے وَل ہو جائے۔
-
موضوع نُوں واضح کرو۔ تواڈے تعارف توں پتہ لگنا چاہی دا اے کہ تُسی کیس موضوع تے گل کرن والے او تے کیوں۔
-
موضوع دی اہمیت ظاہر کرو۔ لوکاں دے حالات نُوں ذہن چ رکھدے ہوئیاں گل شروع کرو۔ تواڈے تعارف توں ظاہر ہونا چاہی دا اے کہ اوہناں نُوں ایس موضوع بارے جان کے کیہہ فائدہ ہوئے گا۔