نکتہ نمبر 12
پیار تے ہمدردی نال گل کرو
1-تھسلُنیکیوں 2:7، 8
خلاصہ: اِنج بولو کہ سنن والیاں نُوں محسوس ہوئے کہ تُسی اوہناں نُوں پیار کردے او تے توانوں اوہناں دی فکر اے۔
تُسی کیہہ کر سکدے او؟
-
اوہناں بارے سوچو جنہاں نال تُسی گل کرو گے۔ تیاری کردے ویلے سوچو کہ جیہڑے لوکاں نال تُسی گل کرو گے اوہ کیہڑیاں مشکلاں دا سامنا کر رہے نیں تے اوہ کیہہ محسوس کردے ہون گے۔ اِنج تُسی اوہناں لئی پیار تے ہمدردی وکھا سکو گے۔
-
سوچ سمجھ کے بولو۔ تواڈی گلبات توں سنن والیاں نُوں تازگی، حوصلہ تے تسلی ملنی چاہی دی اے۔ ایہو جہی کوئی گل نہ کہوو جدے نال اوہناں نُوں ٹھیس لگ سکدی اے۔ جیہڑے لوک یہوواہ دے گواہ نئیں، اوہناں بارے یاں اوہناں دے عقیدیاں بارے کوئی بھیڑی گل نہ کہوو۔
-
پیار وکھاؤ۔ اپنی آواز تے اِشاریاں توں ظاہر کرو کہ تُسی سنن والیاں دی دِلوں فکر کردے او۔ تواڈے چہرے توں نرمی تے پیار نظر آؤنا چاہی دا اے۔ نالے مسکراؤنا کدی نہ بھلو۔
