نکتہ نمبر 14
خاص نکتیاں تے زور دَوو
عبرانیوں 8:1
خلاصہ: تقریر دیندے ویلے خاص نکتیاں نُوں ایہو جہی ترتیب نال دَسو کہ سنن والے اسانی نال سمجھ لین کہ ایہہ نکتے تقریر دے مقصد تے موضوع نال کیویں جُڑے ہوئے نیں۔
تُسی کیہہ کر سکدے او؟
-
تقریر دا مقصد ذہن چ رکھو۔ سوچو کہ تقریر دا مقصد کیہہ اے؟ کیہہ ایہدا مقصد لوکاں نُوں معلومات دینا اے، اوہناں نُوں کسے گل دا یقین دَواؤنا اے یاں فیر اوہناں نُوں کجھ کرن دی ہلاشیری دینا اے۔ فیر ایس مقصد نُوں ذہن چ رکھدے ہوئیاں تیاری کرو۔ اوہی خاص نکتے شامل کرو جنہاں نال تُسی تقریر دا مقصد پورا کر سکو گے۔
-
موضوع تے زور دَوو۔ موضوع چوں کجھ خاص لفظاں یاں ایہدے نال مِلدے جلدے لفظاں نُوں تقریر دے دوران دُہراؤ تاکہ سنن والیاں دے ذہن چ ایہہ موضوع چھپ جائے۔
-
خاص نکتیاں نُوں صاف تے سادہ طریقے نال دَسو۔ بس اوہی نکتے چنو جیہڑے موضوع نال جُڑے ہون تے جنہاں دے ذریعے تُسی دِتے گئے وقت دے اندر اندر موضوع نُوں چنگی طرحاں سمجھا سکو۔ تقریر چ بوہت زیادہ خاص نکتے شامل نہ کرو۔ ہر خاص نکتہ صاف صاف دَسن توں بعد تھوڑا رُکو فیر اگلا نکتہ دَسو۔