بھین بھراواں بارے صحی سوچ رکھو۔‏ ایس گل تے بھروسا رکھو کہ تواڈے مسیحی بھین بھرا یہوواہ خدا نُوں خوش کر‌نا چاہندے نیں۔ جے توانوں لگے کہ اوہناں نُوں درستی دی لو‌ڑ اے تے فیر وی پہلے اوہناں دے چنگے کماں لئی اوہناں نُوں شاباش دَوو۔‏

مایوس کر‌ن والیاں گلاں نہ کہوو۔‏ تقریر دے مقصد نُوں دھیان چ رکھدے ہوئے کدی کدی دُنیا دے حالاتاں وغیرہ بارے کوئی بھیڑی خبر دَسی جا سکدی اے۔ پر تواڈی تقریر چ زیادہ‌تر گلاں حوصلہ ودھاؤن والیاں ہونیاں چاہی دِیاں نیں۔‏

خدا دے کلام نُوں ودھیا طریقے نا‌ل استمال کر‌و۔‏ سمجھاؤ کہ یہوواہ خدا نے انسانا‌ں لئی ہُن تک کیہہ کجھ کیتا اے، اوہ کیہہ کجھ کر رہیا اے تے اوہ اَگے کیہہ کجھ کر‌ے گا۔ سنن والیاں نُوں امید تے حوصلہ دَوو۔‏