معلومات نُوں چنگی طرحاں جان لو‌و۔‏ معلومات نُوں چنگی طرحاں سمجھ لو‌و تاکہ تُسی ایہناں نُوں سوکھے طریقے نا‌ل اپنے لفظاں چ دَس سکو۔‏

چھوٹے جملے تے سادہ لفظ استمال کر‌و۔‏ کدی کدار گل‌بات دوران لمے جملے استمال کیتے جا سکدے نیں۔ پر خاص نکتیاں تے گل کر‌دے ویلے چھوٹے جملے تے سادہ لفظ استمال کر‌و کیونکہ ایہناں نُوں سمجھنا تے یاد رکھنا سوکھا ہوند‌ا اے۔‏

اوہ لفظ سمجھاؤ جیہڑے سنن والے نئیں جان دے۔‏ جے ہو سکے تے اوہ لفظ استمال نہ کر‌و جیہڑے سنن والیاں نُوں پتہ نئیں۔ پر جے توانوں کسے ایہو جہی گل دا ذکر کر‌نا ای پیندا اے جیہڑی سنن والے نئیں جان دے جیویں کہ پرانے زمانے دے نا‌پ‌تول، رِیت‌رواج یاں بائبل چوں کوئی کر‌دار تے فیر پہلاں ایہدے بارے تھوڑا بوہت دَسو۔‏