اپنی جانچ کر‌ن چ مدد کر‌و۔‏ ایہو جہے سوال پچھو جنہاں توں سنن والیاں دی اپنے جذبات، سوچ تے عقیدیاں دی جانچ کر‌ن چ مدد ہووے۔‏

صحی نیت نا‌ل کم کر‌ن دی ہلاشیری دَوو۔‏ سنن والیاں دی ایہہ جانن چ مدد کر‌و کہ اوہ چنگے کم کیوں کر‌دے نیں۔ اوہناں نُوں سمجھاؤ کہ اوہ صحی نیت یعنی یہوواہ خدا، دُوجے انسانا‌ں تے بائبل دی تلیم نا‌ل پیار دی وجہ توں چنگے کم کر‌ن۔ اوہناں تے لیکچر نہ جھاڑو سگوں اوہناں نُوں پاک کلام چوں دلیلاں دے کے سمجھاؤ۔ تواڈی گل سنن توں بعد اوہناں نُوں شرمندگی نئیں محسوس ہونی چاہی دی سگوں اوہناں نُوں ہلاشیری ملنی چاہی دی اے کہ اوہ چنگے کم کر‌ن دی ہور کوشش کر‌ن۔‏

یہوواہ خدا وَل دھیان کھچو۔‏ سمجھاؤ کہ بائبل دی تلیم، اصولاں تے حکماں توں خدا دِیاں خوبیاں تے ساڈے لئی اوہدا پیار ظاہر ہوند‌ا اے۔ سنن والیاں دا دھیان ایس گل تے دَواؤ کہ اوہ کوئی وی فیصلہ کر‌ن توں پہلاں سوچن کہ یہوواہ نُوں ایہدے بارے کیہہ محسوس ہوئے گا۔ اِنج اوہناں دے دل چ یہوواہ نُوں خوش کر‌ن دی خواہش جاگے گی۔‏