نکتہ نمبر 2
عام بولچال استمال کرو
2-کُرنتھیوں 2:17
خلاصہ: ایس طرحاں گل کرو جیس طرحاں تُسی عام طور تے کردے او تاکہ ایہہ ظاہر ہووے کہ توانوں اپنے موضوع چ دلچسپی اے تے تُسی اپنی گل سنن والیاں دی دِلوں مدد کرنا چاہندے او۔
تُسی کیہہ کر سکدے او؟
-
دُعا کر کے چنگی طرحاں تیاری کرو۔ خدا کولوں مدد منگو کہ تُسی اپنا پیغام چنگی طرحاں سنا سکو تے بوہتا گھبراؤ نہ۔ اوہ خاص خاص گلاں چنگی طرحاں سمجھ لوو تے یاد کر لوو جیہڑیاں تُسی دَسنا چاہندے او۔ لکھیاں ہوئیاں گلاں نُوں رَٹا لا کے پڑھن دی بجائے اپنے لفظاں چ دَسو۔
-
پورے خلوص نال بولو۔ اوہناں لوکاں بارے سوچو جنہاں نال تُسی گل کر رہے او۔ سوچو کہ اوہناں نُوں پاک کلام چوں تواڈا پیغام سُن کے کیہہ فائدہ ہوئے گا۔ تواڈے اِشاریاں، کھلون یاں بیٹھن دے طریقے تے چہرے توں ظاہر ہونا چاہی دا اے کہ توانوں اوہناں دی فکر اے تے تُسی دِلوں اوہناں دی مدد کرنا چاہندے او۔
-
پیغام سنن والیاں وَل ویکھ کے گل کرو۔ جے لوک ایس گل نُوں بُرا نہ سمجھن تے اوہناں نال نظر ملا کے گل کرو۔ تقریر دیندے ہوئیاں ساریاں وَل نظر گھما کے ویکھن دی بجائے کجھ وقت لئی کسے اِک بندے نُوں ویکھو تے اوہدے نال گل کرو۔