بھروسے دے لائق معلومات لبھو۔‏ خدا دے کلام توں تلیم دَوو تے جے ہو سکے تے کوئی ایت پڑھ کے اپنی گل ثابت کر‌و۔ جے تُسی کسے سائنسی گل، کسے خبر، تجربے یاں کسے ہور گل نُوں ثبوت دے طور تے استمال کر‌دے او تے دھیان رکھو کہ تواڈی معلومات بالکل صحی ہون تے پرانیاں نہ ہون۔‏

معلومات نُوں صحی طرحاں استمال کر‌و۔‏ ایتاں نُوں اِنج سمجھاؤ کہ تواڈی گل اگلیاں پچھلیاں ایتاں، بائبل دِیاں دُوجیاں ایتاں تے وفادار تے سمجھ‌دار غلام وَلّوں تیار کیتیاں گئیاں کتاباں دے مطابق ہووے۔ (‏متی 24:‏45‏)‏ جے تُسی کسے ہور تھاں توں معلومات لو‌و گے تے ایہناں نُوں بدل کے نہ دَسو سگوں اونویں ای دَسو جیویں اوہ اصل چ لکھیاں گئیاں سن۔‏

دلیلاں پیش کر‌و۔‏ کوئی ایت پڑھن یاں معلومات دین توں بعد اوہناں نُوں سمجھاؤن لئی سمجھ‌داری نا‌ل سوال پچھو یاں کوئی مثال دَوو تاکہ سنن والے صحی نتیجے تے پونچ سکن۔‏