حاضرباش:‏ حاضرباش تواڈی مدد کرن لئی تیار نیں۔‏ جدوں اوہ توانوں پارکنگ یاں سیٹاں رکھن بارے ہدیت دیندے نیں یاں فیر توانوں اندر یاں باہر جان والے رستے وچ نہ کھلون دی درخاست کردے نیں تے مہربانی نال اوہناں نال تعاون کرو۔‏

بپتسمہ:‏ بپتسمے دے امیدواراں لئی سٹیج دے سامنے والیاں سیٹاں رکھیاں جان گیاں۔‏ بپتسمے دے امیدواراں نُوں ہفتے والے دن بپتسمے دی تقریر شروع ہون توں پہلے مخصوص سیٹاں تے بیٹھنا چاہی دا اے۔‏ ہر اِک نُوں اپنا تولیہ تے مناسب کپڑے نال لیانے چاہی دے نیں۔‏

عطیے:‏ کنونشن تے لاؤڈسپیکراں،‏ سیٹاں تے دُوجیاں سہولتاں دا اِنتظام کیتا گیا اے تاکہ تُسی پورے پروگرام دا مزہ لے سکو تے یہوواہ خدا نُوں ہور چنگی طرحاں جان سکو۔‏ ایہناں سہولتاں دے خرچے تواڈے خوشی نال دِتے عطیے دے ذریعے پورے کیتے جاندے نیں۔‏ ایہدے علاوہ ایہہ عطیے دُنیا بھر وچ مُنادی دے کم لئی وی استمال کیتے جاندے نیں۔‏ فرق فرق تھانواں تے عطیہ پاؤن لئی ڈبے رکھے گئے نیں۔‏ تواڈے عطیے دی بڑی قدر کیتی جاندی اے۔‏ گورننگ باڈی تواڈا شکریہ ادا کرنا چاہندی اے کہ تُسی عطیے دے ذریعے مُنادی دے کم نُوں اَگے ودھا رہے او۔‏

اِبتدائی طبّی امداد دا شعبہ:‏ یاد رکھو کہ ایہہ شعبہ صرف ہنگامی حالت لئی اے۔‏

گواچیاں چیزاں دا شعبہ:‏ جے توانوں کسے دی گواچی چیز ملے تے ایہنوں ایس شعبے دے حوالے کر دَوو۔‏ جے تواڈی کوئی چیز گواچ جاوے تے ایس شعبے نال رابطہ کرو۔‏ ماں پیو توں وِچھڑن والے بچیاں نُوں وی ایسے شعبے وچ پونچا دیو۔‏ پر ایس شعبے دا مقصد ایہہ نئیں کہ ماں پیو اپنے بچیاں نُوں اوتھے چھڈ دین۔‏ مہربانی کر کے اپنے بچیاں دا خیال رکھو تے اوہناں نُوں اپنے نال رکھو۔‏

سیٹاں بارے معلومات:‏ دُوجیاں دا خیال رکھو۔‏ یاد رکھو کہ تُسی صرف اپنے گھر والیاں تے اوہناں لوکاں لئی سیٹاں رکھ سکدے او جیہڑ‌ے تواڈے نال گڈی وچ سفر کردے یاں جنہاں نال تُسی بائبل کورس کر رہے او۔‏ مہربانی کر کے اپنے آسےپاسے دِیاں سیٹاں تے چیزاں نہ رکھو۔‏

رضاکارانہ خدمت دا شعبہ:‏ جے تُسی کنونشن تے کیتے جان والے کماں وچ ہتھ ونڈاؤنا چاہندے او تے مہربانی نال ایس شعبے نال رابطہ کرو۔‏

بادشاہی دے مُناداں لئی سکول:‏ اوہ پہل‌کار جنہاں دی عمر 23 توں 65 سال تک اے تے جیہڑ‌ے اپنی خدمت نُوں ودھانا چاہندے نیں،‏ اوہناں نُوں اتوار دی دوپہر نُوں ہون والے اجلاس تے آؤن دی دعوت دِتی جاندی اے جتھے اوہ ایس سکول چ داخلے لئی فارم لے سکدے نیں۔‏ ایس اجلاس دے وقت تے جگہ بارے اعلان کیتا جاوے گا۔‏ محبت کدی ختم نئیں ہوئے گی یہوواہ دے گواہواں دی کنونشن 2019 اِنتظامیہ:‏ یہوواہ دے گواہواں دی گورننگ باڈی